लग्नात जेवण आवडले नाही म्हणून फोडले हॉटेल

नवी दिल्ली : लग्न समारंभात हॉटेलने ठेवलेले जेवण न आवडल्याने नातेवाईकांकडून हॉटेलची तोडफोड केल्याची घटना दिल्लीत घडली आहे.

दिल्लीतील जनकपुरी भागातील एका हॉटेलमध्ये लग्नात जेवण न आवडल्याने नातेवाईक हॉटेल कर्मचाऱ्यांशी भिडले. यामध्ये कर्मचाऱ्यांना जोरदार मारहाण करण्यात आली, तसेच नातेवाईकांना एवढ्यावरच न थांबता हॉटेलची तोडफोड करत चित्रच बदलले. सोशल मीडियावर याचा व्हिडिओ व्हायरल झाला असून, यामध्ये दोन्ही बाजूकडून राडा सुरु असल्याचे दिसत आहे.

जनकपुरीतील पिक्कॅडली भागात हे हॉटेल आहे. जनकपुरी कनेक्ट नावाच्या फेसबुक अकाउंटवर हा व्हिडिओ व्हायरल झाला आहे. या हॉटेलच्या कर्मचाऱ्यांना रुग्णालयातही दाखल करण्यात आले आहे.