खूप वेळ वाट पाहिली अन् ठरवले...

लखनौः खूप वेळ वाट पाहिली. वेळ पुढे-पुढे जात होती. अस्वस्थता वाढत होती. अखेर पंख्याला ओढणी बांधून गळफास घेण्याचा विचार केला. गळफास घेऊन आत्महत्या करणार तेवढ्या वेळात पोलिस आले अन् जीव वाचला.

करवाचौथला पतीला दीर्घायुष्य लाभावे म्हणून महिला उपवास करतात. संध्याकाळी चंद्र पाहिल्यानंतर उपवास सोडला जातो. इंदिरानंगर मधील सेक्टर 14 मध्ये राहात असलेल्या जान्हवी ऊर्फ नाजिया यांनी पतीची खूप वेळ पाहिली. पती न आल्यामुळे त्यांनी आत्महत्या करण्याचा निर्णय घेतला. जान्हवी गळफास घेत असल्याचे एका महिलेने खिडकीतून पाहिले व पोलिसांना कळवले. पोलिस तत्काळ घटनास्थळी दाखल झाल्यामुळे जान्हवी यांचा जीव वाचला आहे.

पोलिस निरीक्षक बृजेश कुमार सिंह यांनी सांगितले की, 'सीतापूर येथील रहिवासी असलेल्या नाजियाने सात वर्षांपूर्वी योगेंद्र जयस्वालसोबत आंतरजातीय प्रेमविवाह केला आहे. विवाहानंतर नाजियाने हिंदू धर्म स्वीकारल्यानंतर जान्हवी नाव लावले. करवाचौथनिमित्त जान्हवीने उपवास केला होता. संध्याकाळी दोघांमध्ये वाद झाल्यामुळे योगेंद्र घराबाहेर गेला होता. जान्हवीने योगेंद्रला खूप फोन व मेसेज केले. परंतु, उत्तर न दिल्यामुळे तिने आत्महत्या करण्याचा निर्णय घेतला. शेजारी राहणाऱया महिलेने फासी घेत असल्याचे पाहिले व तत्काळ पोलिसांना फोन केला. पोलिस तत्काळ घटनास्थळी दाखल झाले व जान्हवीचा जीव वाचवला. योगेंद्रचा शोध घेऊन रात्री साडेबारा वाजता त्याला घरी आणले.'