भारत आणि चीनमध्ये पुढील आठवड्यात बैठक

भारत आणि चीनमध्ये पुढील आठवड्यात बैठक
भारत आणि चीनमध्ये पुढील आठवड्यात बैठक

बीजिंग - भारत आणि चीनच्या राष्ट्रीय सुरक्षा सल्लागारांची पुढील आठवड्यात बैठक होत असून, यामध्ये द्विपक्षीय संबंध सुधारण्यावर भर दिला जाणार असल्याचे सूत्रांनी सांगितले. अणु पुरवठादार गटातील भारताच्या समावेशाला आणि दहशतवादी मसूद अजहरवर बंदी घालण्याच्या प्रक्रियेत चीनने आडकाठी आणल्याच्या पार्श्‍वभूमीवर ही बैठक होणार आहे.

भारताचे राष्ट्रीय सुरक्षा सल्लागार अजित दोवाल आणि चीनचे राष्ट्रीय सुरक्षा सल्लागार यांग जेईची यांची पुढील आठवड्यात हैदराबाद येथे भेट होणार आहे. अणु पुरवठादार गटातील भारताचा समावेश रोखण्याबरोबरच चीनने मसूद अजहरला संयुक्त राष्ट्रसंघाकडून आंतरराष्ट्रीय दहशतवादी घोषित करण्यात दुसऱ्यांदा तांत्रिक मुद्दा उपस्थित करत अडथळा आणला आहे. याशिवाय चीनकडून पाकिस्तानमध्ये बांधला जात असलेला आर्थिक कॉरिडॉर पाकव्याप्त काश्‍मीरमधून जात असल्याबाबतही वाद आहेत. पाकिस्तानमुळे भारत आणि चीन संबंधांमध्ये तणाव येत आहेत. चिनी मालावर भारतात बंदीची होत असलेली मागणी, भारत-अमेरिका वाढते संबंध आणि दलाई लामांचा अरुणाचल प्रदेशचा आगामी दौरा यावरूनही चीन आणि भारतामध्ये वाद आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com