India Covid-19 Case: 'होळी'वर कोरोनाचं गडद संकट; देशात 'इतक्या' रुग्णांची झाली नोंद!

देशभरात ८ फेब्रुवारीला होळीचा सण साजरा केला जाणार आहे. यापूर्वीच देशात पुन्हा एकदा कोरोनाच्या रुग्णांमध्ये झपाट्याने वाढ होत आहेत. केंद्रीय आरोग्य मंत्रालयाने जारी केलेल्या आकडेवारीनुसार, गेल्या एका आठवड्यात तिप्पट रुग्णांची नोंद झाली आहे.

गेल्या 24 तासांच्या आकडेवारीवर नजर टाकली तर देशात 324 नवीन रुग्णांची नोंद झाली आहे. आरोग्य मंत्रालयाच्या माहितीनुसार, 22 फेब्रुवारी रोजी 95 रूग्णांची नोंद झाली होती, त्यानंतर रूग्णांमध्ये सातत्याने वाढ होत आहे.

शुक्रवारी रूग्णांचा आकडा 300 होता, तर आज 324 वर पोहोचला आहे. या नवीन प्रकरणांची नोंद झाल्यानंतर देशातील सक्रिय रूग्णांची संख्या 2 हजार 791 वर पोहोचली आहे.

कोरोनामुळे आतापर्यंत लाखो लोकांचा मृत्यू झाला आहे.

कोरोनाच्या वाढत्या आकड्याने सरकार आणि जनतेची चिंता आणखी वाढवली आहे. यापूर्वीही कोरोनामुळे तीन जणांचा मृत्यू झाला होता. या वायरसमुळे मृतांची संख्या आता 5 लाख 30 हजार 775 वर पोहोचली आहे.

शुक्रवारी महाराष्ट्रात २ आणि केरळमध्ये १ मृत्यू झाला. आरोग्य मंत्रालयाने जारी केलेल्या आकडेवारीनुसार, (२०२० पासून) आतापर्यंत 4,46,87,820 लोकांना कोरोनाची लागण झाली आहे.