चीन-भारत संघर्ष : महाराष्ट्रातील जवान हुतात्मा

यशवंतदत्त बेंद्रे | Friday, 18 September 2020

उद्या (शनिवार) शासकीय इतमामात अंत्यविधी होतील अशी प्राथमिक माहिती स्थानिक प्रशासनाने दिली आहे.  

तारळे (जि.सातारा) :  लेह लडाख सिमेवर तारळे विभागातील दुसाळे (पोस्ट वज्रोशी, ता. पाटण) येथील जवान सचिन संभाजी जाधव हे हुतात्मा झाले आहेत. जिल्हा सैनिक कल्याण अधिकारी विजय पाटील यांनी आज (शुक्रवार) स्थानिक प्रशासनास माहिती कळविली आहे.

हुतात्मा सचिन संभाजी जाधव हे लेहमध्ये कार्यरत हाेते. बुधवारी (ता.16) ते हुतात्मा झाले असून त्यांचे पार्थिव पुणे येथे आज (शुक्रवार) रात्री दहा वाजता आणण्यात येणार आहे. तेथून ते सातारा जिल्ह्यात आणले जाणार आहे.

हुतात्मा सचिन जाधव हे 111 इंजिनिअरींग रेजिमेंटमध्ये कार्यरत हाेेते. सध्या चीन बरोबर भारताचा संघर्ष सुरु आहे. हुतात्मा सचिन जाधव हे मनमिळावू स्वभावाचे हाेते. या घटनेमुळे संपुर्ण सातारा जिल्ह्यात हळहळ व्यक्त केली जात आहे.

Video: जवानाने जीव धोक्यात घालून वाचवले श्वानाचे प्राण

उद्या (शनिवार) शासकीय इतमामात अंत्यविधी होतील अशी प्राथमिक माहिती स्थानिक प्रशासनाने दिली आहे.

Edited By : Siddharth Latkar सातारा सातारा सातारा सातारा 

मोर्चा, निदर्शनाने दणाणला परभणी जिल्हा 
कामगारांच्या विविध मागण्यांसाठी पुकारलेल्या भारत बंदमध्ये विविध संघटना, शासकीय कार्यालय, निमशासकीय कार्यालयासह खासगी क्षेत्रात काम करणाऱ्या कर्मचाऱ्यांनी सहभाग घेत बंद यशस्वी केला. यात सेलूत मार्क्सवादी कम्युनिस्ट पार्टीच्या वतीने निदर्शने करण्यात आली. परभणीत भाकपच्यावतीने जिल्हाधिकारी कार्यालयावर गुरुवारी सकाळी मोर्चा काढण्यात आला. परभणी शहरात कामगारांच्या आंदोलनात बीएसएनएलमधील कर्मचाऱ्यांनी सहभाग नोंदविला. तसेच गंगाखेड येथे हमाल मापाडी मजदूर युनियन शाखा गंगाखेडच्या वतीने तहसील कार्यालय येथे मोर्चा काढण्यात आला. कामगारांच्या मागण्यांसाठी आंदोलनात शेतकरी कामगार पक्षाचे किर्तीकुमार बुरांडे व इतर सहभागी झाले होते. तर परभणी जिल्हा कोषागार कार्यालयासमोर राज्य सरकारी कर्मचारी संघटेनेचे मंगेश जोशी व इतरांनी निदर्शने केली.