Video: नाद करायचा नाय! ITBP जवानांची बर्फातील कबड्डी; पाहा व्हिडीओ

एखाद्या देशाचं सैन्य मजबूत असणं किती महत्त्वाचं आहे, याची कल्पना युक्रेन-रशिया युद्धामुळे साऱ्या जगाला आली आहे. भारत याबाबतीत नशिबवान आहे की भारताचं सैन्य अतिशय मजबूत आहे. अतिशय प्रतिकूल परिस्थितही हे सैनिक अगदी आरामात सेवा बजावत असतात. ITBP (इंडो-तिबेट पोलीस) जवानांचा बर्फात कबड्डी खेळतानाचा व्हिडीओ सध्या व्हायरल होत आहे. यावरुन भारतीय जवानांनी प्रतिकुल परिस्थितीला किती आपलंसं करून घेतलंय याची प्रचिती येते. (ITBP soldiers playing kabaddi on the Himalayas snow.)

एएनआय हा व्हिडीओ शेअर केला आहे. हिमालयाच्या बर्फाच्छादीत प्रदेशातील उणे तापमान असलेल्या भागात जिथं सर्वसामान्य माणसाला मोकळं उभं राहणेही शक्य होणार नाही, अशा वातावरणात हे ITBP जवान चक्क कबड्डी खेळत आहेत. हिमाचल प्रदेशमध्ये सेवा बजावत असलेले हे जवान या व्हिडीओमध्ये अतिशय मजेत कबड्डी खेळत आहेत. त्यांच्यापाठीमागील पर्वत तसेच त्यांच्या कबड्डीच्या मैदानावर साचलेले बर्फ पाहून तिथं किती थंडी असेल याची कल्पना येते.

भारत-तिबेट सीमा पोलीस दल भारताचे एक सुरक्षा दल आहे. १९६२ च्या भारत-चीन युद्धानंतर २४ ऑक्टोबर, १९६२ रोजी या दलाची स्थापना झाली. लद्दाख मधील काराकोरम पासून अरुणाचल प्रदेशातील दिफु ला पर्यंतच्या ३४८८ किमी लांबीच्या भारत-चीन सीमेवर हे दल तैनात असते.