"काश्‍मीर की कली' उडणार आकाशी ; राज्यातील पहिली महिला वैमानिक ठरणार

Kashmiri Kali will Fly in Sky first woman pilot in the state
Kashmiri Kali will Fly in Sky first woman pilot in the state

श्रीनगर : काश्‍मीरमधील इरम हबीब ही राज्यातील पहिली व्यावसायिक वैमानिक ठरणार आहे. अमेरिकेत प्रशिक्षण पूर्ण केल्यानंतर देशातील दोन विमान कंपन्यांकडून तिला नोकरीसाठी पाचारण करण्यात आले. आता भारतातील वैमानिकाचा परवाना मिळविण्यासाठी इरम दिल्लीत प्रशिक्षण घेत आहे. 

इरमने डेहराडूनहून वन अभ्यासक्रमातील पदवी घेतली असून, शेर-ए- काश्‍मीर विद्यापीठातून पदव्युत्तर शिक्षण पूर्ण केले आहे. पीएच.डीचा अभ्यास अर्धवट सोडून वैमानिकाचे प्रशिक्षण घेण्यासाठी ती अमेरिकेतील मियामी येथील विमान उड्डाण केंद्रात दाखल झाली. तिने अमेरिका व कॅनेडाचे व्यावसायिक वैमानिकाचा परवाना मिळविलेला आहे. इरमला भारतातच राहायचे असल्याने ती 2016 मध्ये स्वदेशी परतली.

भारतात वैमानिकाचा परवाना मिळविण्यासाठी तिने दिल्लीत प्रशिक्षणाला सुरवात केली आहे. विमान उड्डाणाचा 260 तासांचा अनुभव इरमला आहे. बहारिनमध्ये "एअरबस 320'चे उड्डाण करण्याचे प्रशिक्षणही तिने घेतले आहे. 

आईवडिलांच्या परवानगीसाठी सहा वर्षे 

बारावीत शिकत असतानाच वैमानिक बनण्याचे स्वप्न इरम पाहत होती. तिने आईवडिलांनाही याबाबत सांगितले होते. मात्र त्यांचा विरोध होता. त्यांचा रुकार मिळविण्यासाठी ती सहा वर्षे सतत प्रयत्न करीत होती. आता त्यांनी वैमानिक मुलीचा अभिमान वाटत आहे. इरमचे वडील हबीबुल्ला जारगर वैद्यकीय उपकरणांचा पुरवठा करण्याचे काम करतात. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com