केरळमध्ये पावसामुळे 34 हजार जणांचे स्थलांतर

तिरुअनंतपुरम - केरळमध्ये गेल्या आठवड्यापासून पडत असलेल्या पावसाने पूरसदृश स्थिती निर्माण झाली असून, सखल भागातील सुमारे 34 हजार नागरिकांना तात्परत्या निवारा केंद्रात हलविण्यात आले आहे. 

पूर नियंत्रण केंद्राकडून दिलेल्या माहितीनुसार, राज्यभरातील 8 हजार 33 कुटुंबांतील 34 हजार 693 नागरिकांना 265 निवारा केंद्रात हलविले आहे. 9 जुलैपासून मॉन्सूनचा पाऊस राज्यात सक्रिय झाला. मुसळधार पावसामुळे आतापर्यंत 12 जण मृत्युमुखी पडले असून सहा जण बेपत्ता आहेत. गेल्या आठवड्यापासून पडत असलेल्या पावसाने कोट्यायम व अलाप्पुझा या जिल्ह्यातील गावे पाण्याखाली आहेत. या दोन्ही जिल्ह्यांतील शैक्षणिक संस्था आज बंद ठेवण्यात आल्या होत्या. गुरुवारपर्यंत (ता.19) पाऊस पडणार असल्याचा अंदाज व्यक्त केला आहे.