केरळमधील कुंबलांगी ठरले भारतातील पहिले सॅनेटरी पॅडमुक्त गाव

एर्नाकुलम, केरळमधील (Keral) कुंबलांगी हे भारतातील पहिले सॅनेटरी पॅडमुक्त गाव ठरले आहे. एर्नाकुलम मतदारसंघात सुरू असलेल्या एका अनोख्या मोहिमेचा हा एक भाग आहे. गुरुवारी, १३ जानेवारी रोजी केरळचे राज्यपाल आरिफ मोहम्मद खान याविषयी घोषणा करणार होते .

या उपक्रमाचा एक भाग म्हणून १८ आणि त्याहून अधिक वयाच्या महिलांना मासिक पाळीच्या कपचे (menstrual cup) वाटप केले जाणार आहे. एकूण 5000 मासिक पाळीच्या कपचे वाटप केले जाणार आहे.

एर्नाकुलम संसदीय मतदारसंघात राबविण्यात येत असलेल्या 'अवलकायी' (तिच्यासाठी) योजनेचा भाग म्हणून हा प्रकल्प राबविण्यात येत आहे, असे खासदार हिबी एडन यांनी सांगितले. या योजनेत एचएलएल मॅनेजमेंट अकादमी त्यांच्या 'थिंगल' योजनेद्वारे आणि इंडियन ऑइल कॉर्पोरेशन हे भागीदार आहेत.