मणिपूरच्या 'आयर्न लेडी' अखेर विवाहबद्ध

कोडाईकॅनल (तमिळनाडू) : मणिपूरमधून सशस्त्र दल विशेषाधिकार कायदा (अफस्पा) मागे घ्यावा, यासाठी आंदोलन करणाऱ्या सामाजिक कार्यकर्त्या व मणिपूरच्या 'आयर्न लेडी' इरोम शर्मिला या डेस्मंड कुटुन्हो यांच्याशी गुरुवारी विवाहबद्ध झाल्या.

कोडाईकॅनलमधील उपनिबंधक कार्यालयात विशेष विवाह कायद्यानुसार साध्या पद्धतीने त्यांचा विवाह झाला. कुटिन्हो यांनी शर्मिला यांच्या बोटात अंगठी घातली. या प्रसंगी उपनिबंधक राधाकृष्ण उपस्थित होते, मात्र वधू व वराचे कुटुंबीय अनुपस्थित होते. शर्मिला व कुटिन्हो यांचा विवाह आंतरधर्मीय असल्याने आधी हिंदू विवाह कायद्यानुसार त्यांचा विवाह झाला. नंतर उपनिबंधकांनी विशेष विवाह कायद्यानुसार त्याची नोंदणी करण्यास सांगितले.

'कोडाईकॅनल हे शांत शहर आहे आणि माझा शांततेचा शोध येथे पूर्ण झाला. येथील डोंगराळ प्रदेशात राहणाऱ्या आदिवासींच्या कल्याणासाठी आपण आवाज उठविणार आहोत,'' असे इरोम शर्मिला त्यांनी पत्रकारांशी बोलताना सांगितले. ब्रिटनचे नागरिक असलेले कुटिन्हो हे शर्मिला यांचे पूर्वीपासूनचे साथीदार आहेत. या दोघांनी नोंदणी पद्धतीच्या विवाहासाठी 12 जुलै रोजी अर्ज भरला होता.

'ई सकाळ'वरील इतर महत्त्वाच्या बातम्या :

• 'गुलजार' रचना 
• वारज्याच्या जखमी गिर्यारोहकाला लेहमधून आज चंडीगडला
• आणणारभाजपचे आता 'लक्ष्य 350'; शहा यांची निवडक मंत्री, पदाधिकाऱ्यांशी चर्चा 
• राहुल आजकाल केवळ त्रागाच करतात : प्रसाद 
• पुण्याकडून पहिले फुफ्फुसदान
• राणेंची कॉंग्रेसमधून आवराआवर
• पूर्वी माफी देऊनही शेतकरी कर्जबाजारी कसा? - मुख्यमंत्री
• कोमेजल्या जिवांना 'रयत'ची संजीवनी
• कोकण मार्गावरील खड्ड्यांची 22 ऑगस्टपर्यंत दुरुस्ती