'महिलेने कोणते कपडे परिधान करावे, याचा अधिकार तिला का नाही?'

श्रीनगर : हिजाबवर न्यायालयाने जो निर्णय कायम ठेवला आहे, तो खूपच निराशा करणारा निर्णय आहे. एका मुलीला आणि एका महिलेला तिने कोणते कपडे परिधान करावे याचा अधिकार का नाही, असा सवाल एएनआय वृत्तसंस्थेशी बोलताना पीडीपीच्या अध्यक्षा मेहबूबा मुफ्ती (Mehbooba Mufti) यांनी उपस्थित केला आहे. आज मंगळवारी (ता.१५) कर्नाटक उच्च न्यायालयाने शैक्षणिक संस्थांमध्ये हिजाब (Hijab) बंदी योग्य असल्याचा निर्णय दिला आहे. त्यावरुन सध्या देशात राजकारण पेटले आहे. (Mehbooba Mufti Criticize On Hijab Ban By High Court)

पुढे मेहबूबा मुफ्ती म्हणतात, मला वाटते की एकीकडे आपण मोठ-मोठे दावे करतो, महिलांच्या हक्कांविषयी, त्यांना सशक्त करायचे आहे आणि दुसरीकडे दुसरीकडे तिने काय परिधान करावे की नाही याचे आम्ही अधिकार ही देत नाही. जर तिने आपल्या आवडीनुसार कपडे परिधान केले तर तिला त्रास दिला जातो, असा आरोप त्यांनी केला. रस्त्यांवर त्यांच्या मागे मवाली कसे मागे पडतात आणि तेथील सरकार बघ्याची भूमिका घेते.

मला वाटते हे चुकीचे आहे. प्रत्येक व्यक्तीला, महिलेला आणि मुलीला हक्क असावा की तिला कोणते कपडे परिधान करायचे किंवा नाही. असा निर्णय न्यायालये घेऊ शकत नाही, असे मेहबूबा मुफ्ती म्हणाल्या.