कोची : एका कामगाराच्या गुदद्वारात त्याच्याच सहकाऱ्याने हाय प्रेशरने हवा भरल्याने मृत्यू झाल्याचा धक्कादायक प्रकार समोर आला आहे. आसामधून कामानिमीत्त केरळमध्ये आलेल्या मिंटू या ३३ वर्षीय कामगारासोबत हा भीषण प्रकारामुळे झाला आहे.
एर्नाकुलम जिल्ह्यातील वलयानचिरांगरा येथील प्लायवूड कारखान्यात ही घटना घडली. दरम्या पोलिसांनी या प्रकरणी आरोपी सिद्धार्थ चमुआला अटक केली असून तो देखील आसामचा आहे.
पोलिसांनी दिलेल्या माहितीनुसार, कारखान्यात साधारणपणे १५ हॉर्स पॉवरचा कंप्रेसर पंप एका व्हॉल्व्हला जोडलेला असतो. हा पंप कामगार कामानंतर त्यांच्या शरीरावरील धूळ काढण्यासाठी वापरतात. चमुआने या पंपने पीडीत मिंटू याच्या गुदाशयात हवा भरली.
पोलिसांनी सांगितले की, पीडिताने स्वत:चे कपडे काढले आणि आरोपीला त्याच्या शरीरातील धूळ काढण्यासाठी पंप वापरून हवा मारण्यास सांगितले. मात्र, हे करत असताना आरोपीने पीडितेच्या गुदाशयात हाय प्रेशर हवाही भरली, ज्यामुळे त्याच्या शरिरातील अवयवांना इजा झाली. जवळच्या रुग्णालयात नेत असताना त्याचा मृत्यू झाला.
आरोपीवर आयपीसीच्या कलम ३०४ अंतर्गत गुन्हा दाखल करण्यात आला. पोलिसांनी सांगितले की त्याच्यावर खुनाचा गुन्हा दाखल करण्यात आलेला नाहीये, कारण त्याचा त्याच्या सहकार्याला मारण्याचा हेतू नव्हता तरीही त्याला त्याला या कृत्यामुळे निर्माण होणाऱ्या धोक्याची जाणीव होती. मात्र, घटनेपूर्वी साफसफाईच्या कामावरून दोघांमध्ये किरकोळ भांडण झाले होते. त्यामुळे या प्रकरणाचा तपास करत असल्याचे पोलिसांनी सांगितले. बुधवारी आरोपीला न्यायालयात हजर केले जाणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.