कर्नाटकातील माजी आमदाराच्या मुलाची हत्या

कर्नाटकातील माजी आमदाराच्या मुलाची हत्या

बेळगाव - माजी आमदार परशुरामभाऊ नद्दीहळी यांच्या मुलाची मंगळवारी (ता. 20) रात्री सव्वा बारा वाजण्याच्या सुमारास गोळी घालून हत्या करण्यात आली.  अरुण नंदीहाळी ( वय 37, अनगोळ) असे त्यांचे नाव आहे. 

याबाबत सविस्तर माहिती अशी की, येळ्ळूर धामणे रोड मार्गे सासरवाडीहुन जेवण करून अरुण हे परत येत होते. वाटेत बुरखाधारी व्यक्तींनी त्यांना अडविले आणि गोळी घालून हत्या केली. हल्ला कोणी केला आहे आणि हल्ल्यामागील कारण समजले नाही. पण, आर्थिक व्यवहारातून घटना घडल्याचे समजते.

धामणे ही अरूण यांची सासुरवाडी. येथे त्यांनी पत्नीला मोटारीतून सोडले. तेथून धामणे रोड मार्गे ते परत येत होते. वाटेत त्यांची मोटार अडवून त्यांना बाहेर येण्यास सांगीतले. बाहेर पडताच गोळी झाडून त्यांची हत्या करण्यात आली. त्यांनतर हल्लेखोर येथून पसार झाले. परिसरात नागरिकांनी त्यांना खासगी रुग्णालयात उपचारासाठी नेण्याचा प्रयत्न केला. पण, त्यापूर्वीच त्यांचा मृत्यू झाला आहे.  बेळगाव ग्रामीण पोलिसात या घटनेची नोंद झाली आहे.  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com