भाजपही नाही, ना कॉंग्रेस : नौटियाल

डेहराडून : विधानसभा निवडणुकीनंतर आपण भाजप किंवा कॉंग्रेसमध्ये प्रवेश करणार नाही, असे प्रतिज्ञापत्र आपचे माजी नेते अनुप नौटियाल यांनी आज स्थानिक न्यायालयात सादर केले आहे.

नौटियाल कांट मतदारसंघातून अपक्ष निवडणूक लढवत आहेत. भ्रष्टाचाराविरोधी आपला लढा सुरू राहणार असून, विधानसभेची निवडणूक पार पडल्यानंतर आपण दोन्हीही पक्षांत प्रवेश करणार नसल्याची हमी नौटियाल यांनी प्रतिज्ञापत्राद्वारे दिली आहे.

आपण स्वार्थासाठी ही निवडणूक लढवत नसून या मतदारसंघात बदल घडवून आणण्याचा आपला प्रयत्न राहील, असेही नौटियाल म्हणाले.