rahul gandhi
rahul gandhi

सत्तेत आल्यास "जीएसटी' मागे घेणार ः राहुल गांधी

मैसूर, ता. 24 (पीटीआय) ः आगामी लोकसभा निवडणुकीत सत्तेत आल्यास वस्तू सेवा कर (जीएसटी) मागे घेऊन एकसमान कर प्रणाली लागू करण्यात येईल, असे प्रतिपादन काँग्रेसचे अध्यक्ष राहुल गांधी यांनी आज केले.

राहुल गांधी दोन दिवसांच्या कर्नाटक दौऱ्यावर आले असून, त्यांनी येथील महाराणी विद्यालयात विद्यार्थ्यांशी संवाद साधला. "जीएसटी'अंतर्गत आकारल्या जाणाऱ्या 28 टक्के कराला आमचा विरोध असून, सत्तेत येताच त्यात बदल केला जाईल. अशा करपद्धतीमुळे भ्रष्टाचाराला खतपाणी मिळत असून, यामुळेच आम्ही "जीएसटी'चा उल्लेख "गब्बरसिंग टॅक्‍स' असा करतो, असे राहुल यांनी विद्यार्थ्यांच्या प्रश्नास उत्तर देताना नमूद केले.

'जीएसटी' ही मुळात आमची संकल्पना असून, त्याअंतर्गत एक करप्रणाली लागू करण्याचा आमचा मानस होता. मात्र केंद्र सरकारने त्यात विविध करांची भर घातली, असेही राहुल म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com