जनगणनेच्या तयारीचा आढावा

नवी दिल्ली - देशात २०२१ च्या जनगणनेची तयारी सुरू झाली असून डिजिटल जनगणनेसाठी ॲप, पोर्टल वापराचा आढावा देशभरातील जनगणना संचालकांनी घेतला आहे. जनगणना आणि राष्ट्रीय लोकसंख्या नोंदणी पुस्तिकेच्या (नॅशनल पॉप्युलेशन रजिस्टर-एनपीआर) अद्ययावतीकरणासाठी सर्व राज्यांचे समन्वयक आणि जनगणना संचालकांची दोन दिवसांची परिषद दिल्लीत काल पार पडली. त्यात हा आढावा घेण्यात आला. 

जनगणना आयुक्त डॉ. विवेक जोशी अध्यक्षस्थानी होते. २०२१ ची जनगणना डिजिटल पद्धतीने होणार असून नागरिकांना मोबाईल ॲपद्वारे व्यक्तिगत तपशील भरता येईल. राष्ट्रीय लोकसंख्या नोंदणी आणि जनगणनेसाठी सरकार या वेळी १२ हजार कोटी रुपये खर्च करणार आहे. मोबाईल ॲपच्या मदतीने प्रत्येकाला १६ भाषांमध्ये स्वतःची आणि कुटुंबाची माहिती भरता येईल.