इंधन दरवाढीचा शॉक

petrol pump
petrol pump

डिझेल 14, तर पेट्रोल 13 पैशांनी महाग

नवी दिल्ली: चलन बाजारात डॉलरच्या तुलनेत रुपयात होत असलेल्या घसरणीमुळे खनिज तेलाची आयात महागली असून, परिणामी आज डिझेल दरात 14, तर पेट्रोल दरात 13 पैशांची वाढ करण्यात आली. नव्या दरवाढीनंतर राजधानी दिल्लीत डिझेलचा दर 69.46 रुपये प्रतिलिटरवर पोचला असून, ही आतापर्यंतची उच्चांकी पातळी आहे.

दिल्लीत इतर शहरांच्या तुलनेत इंधनावर कमी विक्रीकर आकारला जातो. त्यामुळे इंधन दरात वाढ झाली असली तरी, इतर मोठ्या शहरांच्या तुलनेत दिल्लीतील इंधनाचे दर कमी आहेत. यापूर्वी 29 मे रोजी दिल्लीत डिझेलचा दर 69.31 रुपये प्रतिलिटर या उच्चांकी पातळीवर पोचला होता. मुंबईत डिझेलचा दर 73.74 रुपये प्रतिलिटर असा आहे.

दरम्यान, नवीन दरवाढीनंतर दिल्लीत पेट्रोलचा दर 77.91 रुपये, तर मुंबईत तो 85.33 रुपये प्रतिलिटरवर पोचला आहे. यापूर्वी 29 मे रोजी दिल्लीत पेट्रोलचा दर 78.43 रुपये, तर मुंबईत 86.24 रुपये प्रतिलिटर या उच्चांकी पातळीवर पोचला होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com