प्लॅस्टिक नष्ट करण्यासाठी उपाययोजना कराव्यात

plastic-bags
plastic-bags

नवी दिल्ली - दिल्ली सरकारने 50 मायक्रॉनपेक्षा कमी जाडीच्या आठ हजार किलो प्लॅस्टिक पिशव्या जप्त केल्या असून, त्या नष्ट करण्यासाठी उपाययोजना करण्याचे निर्देश राष्ट्रीय हरित लवादाने दिले.

राष्ट्रीय हरित लवादाचे अध्यक्ष न्यायाधीश स्वतंत्र कुमार यांच्या नेतृत्वाखालील खंडपीठाने हे निर्देश दिले. दिल्लीतील आम आदमी पक्षाच्या सरकारने विघटनशील नसलेल्या प्लॅस्टिक पिशव्या नष्ट करण्यासाठी मार्ग शोधावेत, असे लवादाने म्हटले. सुमारे आठ हजार किलो प्लॅस्टिक जप्त करण्यात आले असून, एवढ्या मोठ्या प्रमाणात जप्त प्लॅस्टिक पिशव्या कचऱ्यापासून ऊर्जानिर्मितीसाठी पाठवाव्यात, अशी सूचना लवादाने केली. या प्रकरणी पुढील सुनावणी 5 सप्टेंबरला होणार आहे.

लवादाने 50 मायक्रॉनपेक्षा कमी जाडीच्या पिशव्यांवर बंदी आणल्यानंतर दिल्ली सरकारने आठ हजार किलो पिशव्या जप्त करून तीन लाख रुपयांचा दंड वसूल केला आहे. लवादाने 10 ऑगस्टला ही बंदी आणली होती. बंदीचे उल्लंघन करणाऱ्यांना पाच हजार रुपयांचा दंड करण्याचेही निर्देश लवादाने दिले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com