गुरुदासपूर (पंजाब) : पंजाबमधील डेरा बाबा नानक ते पाकिस्तानातील कर्तारपूर या मार्गावरील कर्तारपूर कॉरिडॉरचे आज, पंतप्रधान नरेंद्र मोदी यांच्या हस्ते उद् घाटन झाले. गुरुनानक देवी जी यांच्या 550व्या जन्म जयंतीच्या पार्श्वभूमीवर हा कॉरिडॉर सुरू करण्यात आलाय. या वेळी पंजाबचे मुख्यमंत्री कॅप्टन अमरिंदर सिंग यांच्यासह केंद्रीय मंत्री हरसिमनत कौर, खासदार सनी देओल आणि इतर नेते मंडळी उपस्थित होते.
दरम्यान, पंतप्रधान नरेंद्र मोदी यांनी या वेळी माजी पंतप्रधान डॉ. मनमोहनसिंग यांची भेट घेतली. त्या वेळी डॉ. सिंग यांच्या पत्नी गुरशरण कौरदेखील उपस्थित होत्या.
या वेळी पंतप्रधान नरेंद्र मोदी म्हणाले, 'गुरुनानक देवी जी यांनी आपल्या आयुष्यात प्रचंड आनंद दिला आहे. या कॉरिडॉरच्या पुर्ततेसाठी पाकिस्तानने केलेले सहकार्य स्वागतार्ह आहे. पाकिस्तानचे पंतप्रधान इमरान खान यांनी भारतीयांच्या भावनांचा आदर केला याबद्दल मी त्यांचे आभार मानतो.' दरम्यान, उद् घाटन सोहळ्यानंतर पंतप्रधान नरेंद्र मोदी यांनी पंजाबचे मुख्यमंत्री कॅप्टन अमरिंदर सिंग यांच्यासोबत लंगरमध्येच भोजन घेतले. त्या वेळी पंजाबच्या मंत्रिमंडळातील मंत्री आणि केंद्रीय मंत्री हरसिमरत कौर उपस्थित होत्या.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.