प्रेमाचे प्रतिक ट्रम्प-मेलानिया पाहणार, पण मोदी...

नवी दिल्ली : अमेरिकेचे अध्यक्ष डोनाल्ड ट्रम्प हे पत्नी मेलानियासह जगातील सात आश्चर्यांपैकी एक असलेल्या ताजमहलला भेट देणार आहेत, पण, त्यांच्यासोबत पंतप्रधान नरेंद्र मोदी नसणार आहेत. 

ताज्या बातम्यांसाठी डाऊनलोड करा ई-सकाळचे ऍप

सूत्रांनी दिलेल्या माहितीनुसार, प्रेमाचे प्रतिक असलेला ऐतिहासिक ताजमहलला ट्रम्प सपत्नीक भेट देणार आहेत. ट्रम्प यांच्या या भेटीवेळी पंतप्रधान मोदी व भारताकडून इतर कोणीही उपस्थित राहणार नसल्याचे सांगण्यात येत आहे. 

ट्रम्प यांच्या भारत दौऱ्यात त्यांची कन्या इव्हांका आणि जावई जेरेड कुशनेर हेही त्यांच्यासोबत येणार आहेत. ट्रम्प यांच्याबरोबर उच्चस्तरीय शिष्टमंडळ भारतात येणार आहे. ट्रम्प हे अहमदाबादमध्ये 24 फेब्रुवारीला दाखल होणार असून, मोदी त्यांच्या स्वागताला असणार आहेत. त्यानंतर सायंकाळच्या सुमारास आग्रा येथे ताजमहल पाहण्यासाठी जाणार आहेत. दोन दिवसांच्या दौऱ्यात ते दिल्लीत 25 फेब्रुवारीला असणार आहेत.