बेळगावात अलर्ट जारी, पोलिस यंत्रणा सतर्क

बेळगाव : कोल्हापूरात शुक्रवारी (ता. 18) झालेल्या भीषण स्फोटानंतर बेळगावात अलर्ट जरी करण्यात आला असून पोलिस यंत्रणा सतर्क झाली आहे. त्यामुळे खबरदारी म्हणून रेल्वे आणि बस स्थानक आवारात पोलिस बंदोबस्त ठेवण्यात आला आहे. अशी माहिती पोलिस आयुक्त बी. एस. लोकेशकुमार यांनी सकाळीशी बोलताना दिली. 

कोल्हापूर येथील उजळीईवाडी येथील टोल नाक्यानजिक उड्डाणपुला रात्री पावणे आकाराच्या सुमारास ज्वलनशील वस्तूच्या स्फोटात दत्तात्रेय गणपती पाटील (56, रा. कोल्हापूर) हे ट्रक चालक ठार झाले. स्फोट इतका भीषण होता. की, परिसरातील घरे व आस्थापणाची तावदाणेही फुटली. एक विधानसभा निवडणुकीच्या धामधुमीत ही घटना घडल्याने तपास यंत्रणा देखील चक्रावली आहे. लागलीच बेळगावच्या पोलीस आयुक्तांनी कोल्हापूर पोलिसांना संपर्क साधून माहिती जाणून घेतली.

मात्र, स्फोटाबद्दल अद्याप माहिती नेमकी माहिती मिळालेली नाही. स्फोट घडवून आनण्यामागे दहशतवादी संघटनेचा हात आहे याचा तपास करण्यात येत आहे. गेल्या काही दिवसापासून बेळगावात पोलिस यंत्रणेने वर्दळीच्या ठिकाणी नजर ठेवून सावधानता बाळगली होती. त्यातच कोल्हापूरातील कालच्या स्फोटामुळे पोलिस आणखीनच सतर्क झाले आहेत.