एकाचवेळी दोन जागांवरून निवडणूक लढण्यास प्रतिबंध करावा

एकाचवेळी दोन जागांवरून निवडणूक लढण्यास प्रतिबंध करावा
एकाचवेळी दोन जागांवरून निवडणूक लढण्यास प्रतिबंध करावा

निवडणूक आयोगाची कायदे मंत्रालयाकडे शिफारस

नवी दिल्ली : निवडणूक कायद्यात सुधारणा करून उमेदवाराला एकाचवेळी दोन जागांवरून निवडणूक लढण्यावर प्रतिबंध घालावा, अशी शिफारस निवडणूक आयोगाने कायदे मंत्रालयाकडे केली आहे.

उमेदवाराला एकाचवेळी दोन मतदारसंघातून निवडणूक लढण्यास कायद्याने मुभा आहे. मात्र, उमेदवार दोन्ही जागांवर निवडून आला तर, त्याला त्यापैकी एक जागा रिक्त करावी लागते. कायद्याने तो एकावेळी दोन्ही मतदारसंघांचे प्रतिनिधित्व करू शकत नाही. परिणामी त्या जागेसाठी पुन्हा पोट निवडणूक घेऊन सर्व प्रकिया नव्याने पार पाडावी लागते. हा प्रकार एकाअर्थी मतदारांसाठी अन्यायकारक असल्याचे निवडणूक आयोगाने म्हटले आहे.

रिक्त जागेसाठी पुन्हा निवडणूक घेणे म्हणजे प्रशासकीय यंत्रणा, सरकारी तिजोरी तसेच, मतदार या सर्वांवर एक अनाहूत ओझे आहे. जर का केंद्र सरकार यात कोणता बदल करण्यास तयार नसेल तर, अशा स्थितीत निवडणुकीच्या खर्चाची जबाबदारी संबंधित उमेदवारावर सोपवावी. किंवा मागे केलेल्या शिफारसीनुसार अशा उमेदवाराला निवडणूक खर्च म्हणून जमा कराव्या लागणाऱ्या रकमेत वाढ करावी, असे आयोगाने सुचवले आहे.

 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com