पंजाबमध्ये काँग्रेसची ताकद वाढली

Punjab Elections: Several Akali Dal, AAP And BJP Leaders Join Congress
Punjab Elections: Several Akali Dal, AAP And BJP Leaders Join Congress

चंडिगड - पंजाब विधानसभा निवडणुकीच्या पार्श्‍वभूमीवर आज शिरोमणी अकाली दल, आम आदमी पक्ष आणि भारतीय जनता पक्षाच्या अनेक नेत्यांनी कॅप्टन अमरिंदर सिंग यांच्या उपस्थितीत कॉंग्रेसमध्ये प्रवेश केला.

कॉंग्रेसमध्ये सहभागी होणाऱ्यांमध्ये शिरोमणी अकाली दलाचे नेते अताम नागर आणि आमदार सिमरजित सिंग यांच्या जवळचे कमलजित सिंग करवाल आणि आम आदमी पक्षाच्या कार्य समितीचे माजी सभासद यामिनी गोमर यांचा समावेश आहे. आपचे अन्य एक नेते प्राप्तिकर विभागाचे माजी मुख्य आयुक्त एल. आर. नायर आणि पक्ष निरीक्षक गगन साहनी यांनीही कॉंग्रेसमध्ये प्रवेश केला आहे. या प्रसंगी बोलताना कॅप्टन अमरिंदर सिंग म्हणाले, की हे सर्व नेते बिनशर्तपणे कॉंग्रेसमध्ये सहभागी झाले आहेत.

कॉंग्रेसमध्ये आज सहभागी झालेल्या नेत्यांचा त्यांच्या पक्षाकडून आणि त्यांच्या अजेंड्यामुळे भ्रमनिरास झाला आहे, असे म्हणत अमरिंदर सिंग यांनी या नेत्यांचे पक्षात स्वागत केले. ते म्हणाले, की या नेत्यांमुळे कॉंग्रेसची ताकद वाढली असून, आगामी विधानसभा निवडणुकीत पक्षाला पूर्ण बहुमत मिळेल. करवाल यांनी दिल्लीत अमरिंदर सिंग यांची भेट घेतली होती. ते 2007 पासून शिरोमणी अकाली दलामध्ये होते.

केजरीवाल आणि आपच्या दलित विरोधी, शीख विरोधी आणि पंजाब विरोधी धोरणांवर यामिनी यांनी या वेळी उघडपणे टीका केली. त्या म्हणाल्या, की आपने पंजाबच्या लोकांना खोटी आश्‍वासने दिली आहेत. यामिनी यांनी 2014 मध्ये आपच्या तिकिटावर लोकसभेची निवडणूक लढविली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com