सक्‍सेनाच्या पैशावर रतुल पुरीची मौज

Ratul-Puri
Ratul-Puri

नवी दिल्ली - मध्य प्रदेशचे मुख्यमंत्री कमलनाथ यांचा भाचा रतुल पुरीने त्याच्या आलिशान जीवनशैलीसाठी चक्क दुबईमधील हवाला ऑपरेटरच्या क्रेडिट कार्डचा वापर केल्याचे उघड झाले आहे. या पैशाचा वापर करत त्याने जगभर खासगी विमानांतून प्रवास केला, अनेक नाईट क्‍लबलाही भेटी दिल्याचे सक्तवसुली संचालनालयाने (ईडी) आरोपपत्रामध्ये म्हटले आहे. बॅंक कर्ज आणि हवाला व्यवहारप्रकरणी ‘ईडी’ने आरोपपत्र सादर केले असून, या गैरव्यवहाराची व्याप्ती तब्बल आठ हजार कोटी रुपये एवढी आहे. रतुल पुरी हा अतिमहत्त्वाच्या व्यक्तींसाठीच्या हेलिकॉप्टर खरेदी गैरव्यवहारातही आरोपी आहे.

या गैरव्यवहाराच्या अनुषंगाने ‘ईडी’ने आज पुरी आणि त्याचे सहकारी, तसेच मोसेर बायर इंडिया लि. या कंपनीविरोधात विशेष न्यायालयामध्ये आरोपपत्र सादर केले आहे. रतुलचे वडीलच ‘मोसेर बायर’ या कंपनीचे प्रवर्तक असल्याचे उघड झाले आहे. भ्रष्टाचार प्रतिबंधक कायद्यातील गुन्हेगारीविषयक तरतुदीअंतर्गत हा खटला दाखल करण्यात आला असून, तब्बल आठ हजार कोटी रुपयांच्या बॅंक कर्जाचा बेकायदा वापर केल्याचा आरोप या सर्व आरोपींवर ठेवण्यात आला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com