'भाजपने मलाही मुख्यमंत्रिपदाची ऑफर दिली होती'; कोण म्हणतंय पाहा!

BJP
BJP

पाटणा : महाराष्ट्रात गेल्या दोन दिवसांपासून प्रचंड मोठी राजकीय उलथापालथ झालेली पाहायला मिळत आहे. भारतीय जनता पक्षाने राष्ट्रवादी काँग्रेसचे नेते अजित पवार यांना राजकीय प्रलोभनं दाखवत आपल्यासोबत घेतले, आणि राज्यात सत्ता स्थापन केली. मात्र, भाजपने ही खेळी आपल्यासोबतही खेळली होती, असा दावा एका नेत्याने केला आहे.

भाजपने मलाही मुख्यमंत्रिपदाची ऑफर दिली होती. मात्र, मी ती तत्त्वांच्या आधारावर नाकारली, असा दावा राष्ट्रीय जनता दलाचे (राजद) नेते आणि बिहारचे माजी उपमुख्यमंत्री तेजस्वी यादव यांनी केला आहे. विधानसभेच्या आवारात असलेल्या राजदच्या राज्य कार्यालयात पत्रकारांशी संवाद साधत असताना त्यांनी हा दावा केला. 

ते म्हणाले की, काही काळापूर्वी भाजपने मला मुख्यमंत्रिपदाची ऑफर दिली होती. ती माझ्या तत्त्वांना न पटल्याने मी ती नाकारली. मी त्या वेळी ती ऑफर स्वीकारली असती आणि माझ्या पक्षाच्या तत्त्वांशी तडजोड केली असती, तर आज बिहारचा मुख्यमंत्री राजदचा असता.

भाजपचे नेते माझ्याकडे सत्तास्थापनेची एक ऑफर घेऊन आले होते. ज्यानुसार राजदला मुख्यमंत्रिपद आणि भाजपला उपमुख्यमंत्रिपद देण्यात येणार होते. मी त्यांची ऑफर स्वीकारली असती, तर भाजपने मुख्यमंत्री नितीशकुमार यांना दूर करत आमच्यासोबत सरकार स्थापन केले असते. 

तेजस्वी यांच्या या विधानानंतर राजकीय वर्तुळात वेगवेगळे तर्क-वितर्क सुरू झाले आहेत. 2017 मध्ये नितीशकुमार यांनी राजदसोबतची आघाडी मोडून भाजपसोबत सरकार स्थापन केले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com