चिक्कोडी तालुक्यात नणदी येथे 18 ताेळे दागिण्याची चाेरी

चिक्काेडी - एकसंबा चिक्कोडी मार्गावरील नणदी ते नणदीवाडी दरम्यान रस्त्यालगत असलेल्या नारायण प्रभाकर कुलकर्णी त्यांच्या फार्महाऊसवर चोरट्यांनी रविवारी भरदिवसा डल्ला मारीत सुमारे १८ तोळय़ाचे सोन्याचे दागिने लंपास केले.

याबाबत पाेलिसांकडुन मिळालेली अधिक माहिती अशी की, नारायण कुलकर्णी कुटुंबीय रविवारी कागल येथे घरगुती कार्यक्रमाकरिता गेले होते. या फार्महाऊसवर कोणीच नसल्याचे पाहून चोरट्यांनी फार्महाऊसचा मागील दरवाजा तोडून आतमध्ये प्रवेश केला व दोन तिजोऱ्या फोडून त्यातील १८ तोळ्याचे सोन्याचे दागिने लंपास केले. ही घटना रविवारी सायंकाळी निदर्शनास आली. या घटनेची नोंद सदलगा पोलिस स्थानकात झाली असून घटनास्थळी मंडल पोलिस निरीक्षक व्ही. के. मुकतीहाळ, पाेलिस उपनिरीक्षक संगमेश दिडगीनहाळ यांच्यासह पाेलिसांनी भेट देऊन पंचनामा केला.