बॅंक गैरव्यवहारप्रकरणी "ईडी'चे तमिळनाडूत छापे

नवी दिल्ली- स्टेट बॅंक ऑफ इंडियातील (एसबीआय) 90 कोटी रुपयांच्या कर्ज गैरव्यवहारप्रकरणी सक्तवसुली संचलनालयाने (ईडी) आज इंशुमती रिफायनरीज प्रा. लि. या कंपनीच्या नऊ ठिकाणांवर छापे मारले.

या कंपनीला "एसबीआय'च्या चेन्नई शाखेत कॅश क्रेडिट, लेटर ऑफ क्रेडिट तसेच, टर्म लोनसारख्या सुविधा देण्यात आल्या होत्या. त्याद्वारे हा गैरव्यवहार झाला असून, याप्रकरणी बेहिशेबी मालमत्ता कायद्यांतर्गत गुन्हा नोंद करण्यात आला आहे. याचा तपास "ईडी' करीत आहे.

आर. शेनबागान यांच्याकडे कंपनीची सूत्रे असून, आज "ईडी'ने त्यांच्या निवासस्थानासह कंपनीच्या विरुधूनगर, मदुराई आणि कोइमतूरमधील कार्यालयांची झाडाझडती घेतली. तसेच, अर्थिक गैरव्यवहारप्रकरणी "ईडी'ने आर. शेनबागान यांच्यासह काही लोकांवर गुन्हा नोंद केला आहे.