चंडिगड: हरियानाच्या इतिहासात प्रथमच राज्यातील लैंगिक गुणोत्तर 950 पर्यंत गेले आहे. 'देशातील सर्वांत वाईट लैंगिक गुणोत्तर असलेले राज्य' असा हरियानाचा 'लौकिक' होता.
राज्यातील लैंगिक गुणोत्तर वाढविण्यासाठी गेल्या अनेक वर्षांपासून झालेल्या सामूहिक प्रयत्नांतून हे साध्य झाले आहे. हरियानाचे मुख्यमंत्री मनोहरलाल खट्टर म्हणाले, "पंतप्रधान नरेंद्र मोदी यांच्या पुढाकाराने देशात सुरू झालेल्या 'बेटी बचाओ, बेटी पढाओ' योजनेची प्रभावी अंमलबजावणी राज्यात करण्यात आली. यातूनच राज्याचे लैंगिक गुणोत्तर सुधारण्याचे आव्हान सरकारने स्वीकारले.'' 2011 मध्ये झालेल्या जनगणनेनुसार, हरियानातील लैंगिक गुणोत्तर (दर हजार पुरुषांमागे स्त्रियांचे असलेले प्रमाण) 879 इतके होते. त्या यादीत हरियाना 30 व्या स्थानी होते. या यादीत हरियानाखाली अंदमान-निकोबार, दिल्ली, चंडिगड, दादरा-नगर हवेली आणि दमण दिव हे केंद्रशासित प्रदेश होते.
यंदाच्या मार्चमध्ये प्रथमच हरियानातील लैंगिक गुणोत्तर 1000 पुरुषांमागे 950 स्त्रिया असे झाले. या ताज्या आकडेवारीनुसार, कैथल (864), रोहतक (863), झज्जर (893), गुरुग्राम (893), भिवानी (893), जिंड (896), फतेबाद (898), पंचकुला (912), रेवारी (913), अंबाला (921), मेवत (926), सोनपत (939) आणि फरिदाबाद (947) असे जिल्हानिहाय लैंगिक गुणोत्तर आहे.
मुलींना प्रोत्साहन देण्याच्या योजना हरियानात राबविण्यात आल्या. तसेच, भ्रूणहत्येसंदर्भातील आणि गर्भलिंग निदान चाचणीशी संबंधित कायद्यांचे उल्लंघन केल्याबद्दल 430 जणांविरोधात गुन्हे दाखल करण्यात आले आहेत. विशेष म्हणजे, परराज्यांत जाऊन असे गुन्हे करणाऱ्या 80 जणांविरोधातही सरकारने कारवाई केली आहे.
2011 च्या जनगननेनुसार देशातील राज्यनिहाय लैंगिक गुणोत्तर
क्रमांक | राज्य | लैंगिक गुणोत्तर |
1 | केरळ | 1084 |
2 | पुदुच्चेरी | 1037 |
3 | तमिळनाडू | 996 |
4 | आंध्र प्रदेश | 993 |
5 | छत्तीसगड | 991 |
6 | मेघालय | 989 |
7 | मणिपूर | 985 |
8 | ओडिशा | 979 |
9 | मिझोराम | 976 |
10 | गोवा | 973 |
11 | कर्नाटक | 973 |
12 | हिमाचल प्रदेश | 972 |
13 | उत्तराखंड | 963 |
14 | त्रिपुरा | 960 |
15 | आसाम | 958 |
16 | पश्चिम बंगाल | 950 |
17 | झारखंड | 948 |
18 | लक्षद्वीप | 946 |
19 | अरुणाचल प्रदेश | 938 |
20 | नागालॅंड | 931 |
21 | मध्य प्रदेश | 931 |
22 | महाराष्ट्र | 929 |
23 | राजस्थान | 928 |
24 | गुजरात | 919 |
25 | बिहार | 918 |
26 | उत्तर प्रदेश | 912 |
27 | पंजाब | 895 |
28 | सिक्कीम | 890 |
29 | जम्मू-काश्मीर | 889 |
30 | हरियाना | 879 |
31 | अंदमान-निकोबार | 876 |
32 | दिल्ली | 868 |
33 | चंडिगड | 818 |
34 | दादरा-नगर-हवेली | 774 |
35 | दमण-दिव | 618 |
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.