शिवराजसिंह यांनी असा केला पूर पाहणी दौरा

शिवराजसिंह यांनी असा केला पूर पाहणी दौरा
शिवराजसिंह यांनी असा केला पूर पाहणी दौरा

भोपाळ - मध्य प्रदेशचे मुख्यमंत्री शिवराजसिंह चौहान यांनी चक्क दोन पोलिसांना उचलून घ्यायला सांगत पूर पाहणी दौरा केला. शिवराजसिंह यांचे हे छायाचित्र सोशल मिडीयावर मोठ्या प्रमाणात व्हायरल होत आहे.

मध्य प्रदेशात जोरदार पावसामुळे अनेक नद्यांना पूर आले आहेत. पन्ना जिल्ह्यातील अमानगंज तालुक्यात पूर पाहणी करण्यासाठी गेले असताना शिवराजसिंह यांना दोन पोलिसांनी उचलून घेत पाण्यातून नेले. या दौऱ्यावेळी उपस्थित असलेल्या एका व्यक्तीने मोबाईलमध्ये हे छायाचित्र काढून सोशल मिडीयावर अपलोड केल्यानंतर यावर खूप चर्चा होत आहे. आपली पांढरी पॅन्ट खराब होऊ नये, यासाठी शिवराजसिंह यांनी पोलिसांना उचलून घ्यायला सांगितले अशी प्रतिक्रिया नागरिकांकडून देण्यात येत आहे.

सूत्रांनी दिलेल्या माहितीनुसार, पावसाच्या पाण्यातून चालताना मुख्यमंत्र्यांना साप चावू नये, यासाठी जिल्हाधिकाऱ्यांनी पोलिसांना त्यांना उचलून घेण्यास सांगितले. शिवराजसिंह यांनी रेवा, सतना आणि पन्ना या जिल्ह्यांचा पूर दौरा केला. मध्य प्रदेशात आतापर्यंत पुरामुळे 17 जणांचा बळी गेला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com