"भारतीय कुत्रे" म्हणून आमचा उल्लेख - अदनान सामी

नवी दिल्लीः प्रसिध्द गायक अदनान सामी यांच्या कर्मचाऱ्यांना कुवेत विमानतळावर इमिग्रेशन विभागाकडुन चुकीच्या पध्दतीने वागणुक देण्यात आली.

"भारतीय कुत्रे" म्हणून आम्हाला तिथे संबोधण्यात आले, असा आरोप त्याने केला आहे. गाण्याच्या सादरणीकरणासाठी कुवेतला गेला असता, त्याला अशा प्रकारची वागणुक देण्यात आल्याचा आरोप त्याने केला आहे.

हा घडलेला सर्व प्रकार सामीने ट्वीटच्या माध्यमातून कुवेत येथिल भारतीय दुतावासाला कळवला आहे. त्याचबरोबर हे ट्वीट त्याने केंद्रिय परराष्ट्र व्यवहारमंत्री सुष्मा स्वराज आणि केंद्रिय गृहमंत्री राजनाथ सिंह यांना टॅग केले आहे. याचे प्रत्युत्तर देताना सुष्मा स्वराज यांनी सामीला फोनवर बोलण्याची विनंती केली होती. यानंतर केंद्रिय गृहराज्यमंत्री किरेन रिजेजू यांनी या प्रकरणाबद्दल सामी यांना सुष्मा स्वराज या प्रकरणाकडे लक्ष देत आहेत असे लिहून आश्वस्त केले आहे.

भारत सरकारकडून या प्रकरणाकडे तात्काळ लक्ष दिले गेल्याने सामीने भारत सरकारचे आभार मानले आहेत.