मेहुल चोक्सीने केली मोदींवर पीएचडी!

सुरत : सुरतमधील एका विद्यार्थ्याने 'नरेंद्र मोदी : गुजरातचे मुख्यमंत्री व देशाचे पंतप्रधान' या विषयावर पीएचडी केली आहे. या विद्यार्थ्याचे नाव मेहुल चोक्सी असून त्याने राज्यशास्त्रात पदव्युत्तर शिक्षण घेतले आहे. 

वीर नर्मदा साऊथ गुजरात विद्यापीठांतर्गत मेहुलने 'Leadership under Government - case study of Narendra Modi' हा विषय घेत पीएचडीसाठी संशोधन केले आहे. या संशोधनासाठी मेहुलने 450 लोकांना नरेंद्र मोदींच्या नेतृत्वाबाबत विचारून मुलाखती घेतल्या आहेत. यापैकी 25 टक्के लोकांनी मोदींची भाषणे प्रभावी वाटतात, तर 48 टक्के लोकांना मोदींची राजकीय मार्केटींगटी पद्धत आवडते. 

मेहुल हा पेशाने वकील असून, त्याने प्रा. निलेश जोशी यांच्या मार्गदर्शनात ही पीएचडी पूर्ण केली आहे. त्याने पीएचडीटी सुरवात 2010 मध्ये मोदी मुख्यमंत्री असताना केली होती.  

पीएनजी गैरव्यवहारात फरार असलेला मेहुल चोक्सी व मोदींवर पीएचडी केलेल्या मेहुल चोक्सीमध्ये फक्त नावाचे साम्य आहे.