Tata Motors : 'टाटा'कडून कर्मशिअल वाहनांच्या किंमतींमध्ये वाढ; वर्षात दुसऱ्यांदा दरवाढ

मुंबई : टाटा मोटर्स ही भारतातील सर्वात मोठी व्‍यावसायिक वाहन उत्‍पादक कंपनी आहे. कंपनीने आता व्यावसायिक वाहनांच्या किंमतीमध्ये वाढ करण्याची घोषणा केली आहे.

१ एप्रिल २०२३ पासून टाटा कंपनी कर्मशिअल वाहनांच्‍या किंमतीत जवळपास ५ टक्‍क्‍यांची वाढ करणार आहे. किंमती वाढवण्याचा निर्णय हा बीएस-६ फेज २ उत्सर्जन नियमांचे अधिक कठोर पालन करण्यासाठी घेण्यात आल्याचं कंपनीच्या वतीने सांगण्यात आलेलं आहे.

हेही वाचाः झोप नीट लागायला हवी? मग हे वाचाच

प्रदूषण नियमांची पूर्तता करण्यासाठी टाटा मोटर्सने आपल्या संपूर्ण वाहन पोर्टफोलिओमध्ये बदल केले आहेत. त्यामुळे ग्राहकांना वाहनांमध्ये मोठ्या प्रमाणावर सुविधा मिळणार आहेत. तांत्रिकदृष्ट्यासुद्धा ही वाहनं उच्च प्रतिची असतील. यासह लो कॉस्ट ओनरशीपचा फायदा ग्राहकांना होणार आहे.

वाहनांच्या किंमतीमधील ही वाढ कर्मशिअल वाहनांसाठी आहे. वैयक्तिक स्वरुपाच्या वाहनांच्या प्रकारानुसार त्यात बदल होतील,असं कंपनीच्या वतीने सांगण्यात आलेलं आहे.

कंपनीने जानेवारीमध्ये प्रवासी वाहनांच्या किमती 1.2% ने वाढवल्या होत्या. महागाईमुळे उत्पादन खर्च वाढल्याने तो निर्णय घेण्यात आला. तर जग्वार लँड रोव्हर कंपनीने फेब्रुवारीमध्ये Tiago EV प्रकारांच्या गाड्यांच्या किंमती 20,000 रुपयांनी वाढवल्या होत्या.