खाण गैरव्यवहारप्रकरणी संचालकांसह दोघांवर गुन्हे

नवी दिल्ली : खाण गैरव्यवहारातील हिमाचल एम्टा पावर लिमिटेडच्या (एचईपीएल) संचालकासह तिघांवर फसवणूक व गुन्हेगारी कटाचा गुन्हा दाखल करण्यात आला. याबाबतची विशेष न्यायालयाने कागदपत्रांच्या छाननी करून एचईपीएलचे संचालक उज्ज्वल कुमार उपाध्याय, विकास मुखर्जी आणि वरिष्ठ अधिकारी एन. सी. चक्रबर्ती यांच्यावर गुन्हे नोंदविण्याचे आदेश दिले.

संबंधितांवर गुन्हेगारी खटला चालविण्यासाठी पुरेसे पुरावे उपलब्ध असल्याचे निरीक्षण या वेळी न्यायालयाने नोंदविले. समन्स बजावल्यानंतर मागील वर्षी 28 फेब्रुवारीला न्यायालयाने या तिघांनाही जामीन मंजूर केला होता. खाण गैरव्यवहारात केंद्रीय अन्वेषणने (सीबीआय) दखल घेऊन संबंधित आरोपींना समन्स बजावल्यानंतर या प्रकरणाला वेगळे वळण प्राप्त झाले होते. गांधीनगर येथील कोळशाच्या खाण संरक्षित करण्यासाठी उपाध्याय आणि मुखर्जी यांनी केंद्रीय कोळसा मंत्रालयाला चुकीची माहिती दिल्याचे सीबीआयचे म्हणणे आहे.