अयोध्येतलं राम मंदिर पूर्णत्वाकडे; आज योगी गाभाऱ्याची पायाभरणी करणार

उत्तर प्रदेशचे मुख्यमंत्री योगी आदित्यनाथ आज राम मंदिराच्या गाभाऱ्याची पायाभरणी करणार आहेत. गाभाऱ्यातला पहिला दगड लावण्याचा समारंभ आज पार पडणार आहे. या समारंभात योगी आदित्यनाथ सहभागी होणार आहे. या मंदिराची पायाभरणी पंतप्रधान मोदींच्या हस्ते झाली होती.

या कार्यक्रमासाठी देशाच्या विविध भागातून अनेक साधूसंत-महंतांना आमंत्रण देण्यात आलं आहे. अयोध्येतल्या या राम मंदिराच्या उभारणीला चांगलाच वेग आलेला आहे. ५ ऑगस्ट २०२० रोजी पंतप्रधान नरेंद्र मोदी यांनी या मंदिराची पायाभरणी केली होती. तेव्हापासून हे बांधकाम सुरू आहे.

सरन्यायाधीश रंजन गोगोई यांच्या अध्यक्षतेखालील सर्वोच्च न्यायालयाच्या पाच सदस्यीय खंडपीठाने ९ नोव्हेंबर २०१९ रोजी अयोध्येतल्या बाबरी मशीद- राम जन्मभूमीच्या जागेवर निर्णय दिला होता. त्यामध्ये ही जागा रामलल्लाची असल्याचा निकाल देण्यात आला होता.