मुंबई : ग्रामीण टपाल सेवक (GDS) ऑनलाइन प्रतिबद्धता-विशेष सायकल मे २०२३ ची अधिसूचना प्रसिद्ध केल्यानंतर, पोस्ट विभागाने आजपासून म्हणजेच सोमवार, २२ मेपासून जाहिरात केलेल्या १२ हजार ८२८ पदांसाठी अर्ज प्रक्रिया सुरू केली आहे.
उमेदवार GDS रिक्रूटमेंट पोर्टल, indiapostgdsonline.gov.in वर विहित अंतिम दिनांक ११ जून २०२३ पर्यंत अर्ज करू शकतात. (india post recruitment job for 10th pass)
पोस्ट विभागाने प्रसिद्ध केलेल्या GDS भरती मे २०२३ च्या अधिसूचनेनुसार, शाखा पोस्ट ऑफिसमध्ये शाखा पोस्टमास्टर (BPM), सहाय्यक शाखा पोस्टमास्टर (ABPM) म्हणून १२ हजाराहून अधिक ग्रामीण टपाल सेवकांची भरती केली जाणार आहे.
अर्ज प्रक्रिया
अर्जासाठी, उमेदवारांना पोस्टल विभाग ग्रामीण टपाल सेवक भरती पोर्टलला भेट द्यावी लागेल. यानंतर उमेदवारांना विहीत तीन टप्प्यांत त्यांचा अर्ज सादर करता येईल. या तीन पायऱ्या आहेत - नोंदणी, ऑनलाइन अर्ज आणि फी भरणे. अर्जाची फी १०० रुपये आहे, जी ऑनलाइन माध्यमातून भरावी लागेल.
SC, ST, अपंग आणि महिला उमेदवारांना फी भरण्याची गरज नाही. अर्ज सबमिट केल्यानंतर, उमेदवार १२ ते १४ जून 2023 दरम्यान त्यांच्या अर्जात त्रुटी दुरुस्त करू शकतील.
पात्रता
पोस्टल विभाग ग्रामीण टपाल सेवक भरतीसाठी, उमेदवारांनी मान्यताप्राप्त मंडळातून १० वी परीक्षा उत्तीर्ण केलेली असावी. तसेच, ११ जून २०२३ रोजी वय १८ वर्षांपेक्षा कमी आणि ४० वर्षांपेक्षा जास्त नसावे. राखीव प्रवर्गातील उमेदवारांना उच्च वयोमर्यादेत सवलत दिली जाईल.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.