RBI Job Vacancy: रिझर्व्ह बँकेत काम करण्याची मोठी संधी; या तारखेपासून सुरू होणार अर्ज प्रक्रिया

RBI Job Vacancy : RBI मधील सरकारी नोकऱ्यांसाठी इच्छुक आणि RBI ग्रेड B भरती परीक्षेची तयारी करणाऱ्या उमेदवारांसाठी मोठी बातमी आहे. रिझर्व्ह बँक ऑफ इंडियाने विविध विभागांमध्ये ग्रेड बी ऑफिसर पदांच्या भरतीसाठी एक छोटी जाहिरात प्रसिद्ध केली आहे.

बँकेने आज प्रसिद्ध केलेल्या छोट्या जाहिरातीनुसार सामान्य, आर्थिक आणि धोरण संशोधन आणि सांख्यिकी आणि माहिती विभागात एकूण २९१ ग्रेड बी अधिकाऱ्यांची भरती होणार आहे.

भारतीय रिझर्व्ह बँकेने अद्याप RBI ग्रेड बी अधिसूचना २०२३ ची तपशीलवार जाहिरात प्रसिद्ध केलेली नाही.  हेही वाचा - संतुलित आहारातून रोखा फॅटी लिव्हरचा आजार

Bones Health : या गोष्टी खाल्ल्याने हाडे होतील कमकुवत

९ मेपासून ग्रेड-बी अधिकाऱ्यांच्या भरतीसाठी अर्ज प्रक्रिया सुरू

आरबीआयने जारी केलेल्या ग्रेड बी ऑफिसर भरती जाहिरातीनुसार, जाहिरात केलेल्या पदांसाठी अर्ज प्रक्रिया ९ मे पासून सुरू होईल. पदांनुसार विहित पात्रता असलेले उमेदवार ६ जून २०२३ पर्यंत अर्ज सादर करू शकतील.

अर्जाची प्रक्रिया अधिकृत वेबसाइट rbi.org.in वर सुरू होणार आहे. अर्ज करताना उमेदवारांना आरबीआयने विहित केलेले परीक्षा शुल्क भरावे लागेल.

RBI recruitment advertisement

Loan Repayment : गृहकर्ज कमी वेळात फेडण्याचे सोपे मार्ग जाणून घ्या आणि निवांत राहा

इतर पदांसाठी देखील अर्ज मागवले आहेत

RBI ने ग्रेड B अधिकार्‍यांच्या भरतीसाठी जारी केलेल्या जाहिरातीमध्ये इतर भरतीबद्दल थोडक्यात माहिती दिली आहे. यानुसार, बँकेला कार्यक्रम समन्वयक (पर्यवेक्षकांचे महाविद्यालय) (जाहिरात क्र. 1/2023-24) आणि कम्युनिकेशन कन्सल्टंट/मीडिया विश्लेषक (जाहिरात क्र. 2/2023-24) या पदांची कंत्राटी पद्धतीने भरती करायची आहे.

या पदांसाठी अर्जाची प्रक्रिया ४ मे २०२३ पासून सुरू होईल आणि अधिकृत वेबसाइट, rbi.org.in वरील भरती विभागात सक्रिय केलेल्या लिंकवरून उमेदवार ऑनलाइन फॉर्म पृष्ठावर जाऊन त्यांचे अर्ज सबमिट करू शकतील. .