पुणे: मराठा आरक्षणासाठी संघर्ष करणारे मनोज जरांगे विधानसभा निवडणुकीच्या पार्श्वभूमीवर पुण्यात दोन महत्वाच्या सभांचा कार्यक्रम घेत आहेत. बिबेवाडी आणि हिंगणे येथे होणाऱ्या या सभांचा प्रभाव पर्वती विधानसभा मतदारसंघात दिसून येत आहे. या सभांमुळे भाजपच्या विद्यमान आमदार माधुरी मिसाळ यांच्यासमोर मोठे आव्हान उभे राहण्याची शक्यता आहे. पर्वती मतदारसंघात मनोज जरांगे यांनी पहिला उमेदवार दिला आहे.