LIC Investors: LIC मुळे एका वर्षात 2.50 लाख कोटी पाण्यात, गुंतवणूकदारांना मोठा झटका
LIC Investors Loss: एक वर्षापूर्वी, आजच्या तारखेला म्हणजे 17 मे रोजी, देशातील सर्वात मोठा IPO बाजारात सूचीबद्ध झाला होता. हा IPO देशातील सर्वात मोठी विमा कंपनी LIC चा होता. या एका वर्षात गुंतवणूकदारांचे अडीच लाख कोटी रुपयांचे नुकसान झाले आहे.
LIC चा शेअर सध्या 949 रुपयांच्या इश्यू किंमतीपासून 40 टक्क्यांच्या खाली ट्रेडिंग करत आहे. त्यामुळे गुंतवणूकदारांचे मोठे नुकसान झाले आहे. या कारणास्तव, कंपनी सध्या बाजारात टॉप 10 किंवा टॉप 15 च्या यादीत नाही.
Foreign institutional investors (FII) आणि Mutual Fund ने भागभांडवल कमी केले :
भारतीय आयुर्विमा महामंडळ ही अशी कंपनी आहे जिने गेल्या एका वर्षात सर्वाधिक मार्केट कॅप गमावले आहे. यामुळेच म्युच्युअल फंड आणि एफआयआय या दोघांनीही त्यांचे स्टेक कमी केले आहेत.
मार्च शेअरहोल्डिंग पॅटर्ननुसार LIC मधील म्युच्युअल फंड होल्डिंग डिसेंबरमधील 0.66 टक्क्यांवरून मार्चमध्ये 0.63 टक्क्यांवर आली आहे. तिसऱ्या तिमाहीत FII ची होल्डिंग देखील 0.17 टक्के होती, जी चौथ्या तिमाहीत 0.08 टक्क्यांवर आली.
किरकोळ गुंतवणूकदारांनी त्यांचे स्टेक वाढवले आहेत आणि त्यांची हिस्सेदारी 1.92 टक्क्यांवरून 2.04 टक्क्यांपर्यंत वाढली आहे. असे वृत्त इकोनॉमिक्स टाइम्सने दिले आहे.
किरकोळ गुंतवणूकदारांची संख्या कमी झाली:
किरकोळ गुंतवणूकदारांच्या शेअरमध्ये वाढ झाली असली तरी, एलआयसीमध्ये किरकोळ गुंतवणूकदारांमध्ये मोठी घट झाली आहे. IPO च्या वेळी, LIC कडे 39.89 लाख किरकोळ गुंतवणूकदार होते.
मार्च तिमाहीतील शेअरहोल्डिंग पॅटर्ननुसार LIC मधील किरकोळ गुंतवणूकदारांची संख्या आता सुमारे 33 लाखांवर आली आहे, एका वर्षात 6.87 लाख गुंतवणूकदारांचे नुकसान झाले आहे.
देशातील सर्वात मोठा IPO:
एलआयसीचा आयपीओ देशासाठी अनेक अर्थांनी महत्त्वाचा होता. त्याचा आकार 21 हजार कोटी रुपये होता. इतका मोठा IPO यापूर्वी कधीच आला नव्हता.
संपूर्ण देशात एलआयसीचा आयपीओ हा एक मैलाचा दगड मानला गेला, त्यामुळे बाजाराला नव्या उंचीवर नेईल आणि गेल्या वर्षीची घसरण कमी होईल, असे वाटत होते, पण तसे झाले नाही.
या IPO कडून बाजाराला अपेक्षा होती की IPO च्या बंपर यशामुळे गुंतवणूकदारांना बाजाराकडे आकर्षित करता येईल. पण तसे झाले नाही.
हे ही वाचा
