मला समाजातील तळागाळातील अडलेल्या नागरिकाला मदत करायची आहे. युवकांचे शिक्षण, रोजगार यासोबत नागरिकांच्या विविध समस्यांसाठी सुख दुःखात सोबत रहायचे आहे. यासाठी सर्व नियमांचे पालन करून फाउंडेशनची स्थापना करण्यात आली आहे.
- संतोष दळवी, संस्थापक

ज्येष्ठा गौरी म्हणजे हिमालयाची कन्या पार्वती अर्थात आदिशक्तीचे स्वरूप मानले जाते. भाद्रपदमधील शेतात धान्य तयार होत असल्याने या काळात निसर्गातील निर्मितीशक्तीबद्दल कृतज्ञता व्यक्त करण्यासाठी गौरीपूजन केले जाते. त्यामुळे हा सण निसर्गशक्तीच्या उपासनेशी जोडला गेला आहे. महाराष्ट्रातील काही भागांत ज्येष्ठा गौरींना महालक्ष्मी असेही संबोधले जाते. परंपरेनुसार काही ठिकाणी खड्याच्या गौरी पूजल्या जातात, तर काही ठिकाणी तेरडा वनस्पतीला गौरीचे स्वरूप मानून पूजा केली जाते. काही प्रदेशांत धान्याच्या राशीवर गौरीचे मुखवटे ठेवून पूजन केले जाते. गौरीला १६ प्रकारचे नैवेद्य दाखविण्याचीही प्रथा आहे. सासरी गेलेली कन्या माहेरी लाडाने येते, या भावनेतून गौरीचे स्वागत करून तिचे लाड पुरविले जातात.

साड्यांमध्ये माहेश्वरी, चेक्स इरकलला पसंती
गौराईच्या वस्त्रांमध्ये यंदा माहेश्वरी आणि चेक्स इरकल साड्यांना मोठी मागणी आहे. याशिवाय सहावारी, नऊवारी, नथ नऊवारी, कोळी नऊवारी, ब्राह्मणी नऊवारी, त्रिवेणी नऊवारी, पैठणी, महाराणी, पेशवाई आणि गोल सहावारी साड्या उपलब्ध आहेत. तयार साड्यांच्या किमती साधारण १,२०० ते १,५०० रुपयांपासून सुरू आहेत.

गौराईच्या दागिन्यांमध्ये नव्या डिझाइन्सची भर
गौराईच्या दागिन्यांमध्ये ठुशी, बोरमाळ, लक्ष्मीहार, चपला हार, बाजूबंद, कानातील झुमके, मोहनमाळ, कोल्हापुरी साज, चोकर, नथ, कंबरपट्टा, बांगड्या, मंगळसूत्र, चिंचपेटी, पुतळीहार, मोत्यांच्या माळा आणि विविध प्रकारच्या नथी उपलब्ध आहेत. नव्या डिझाइनमध्ये अष्टपैलू माळ, एकविरा कंठी, थौजा मंगळसूत्र, जडाऊ नथ, चंद्रकोर नथ, मोती चंद्रकोर खोपा, डायमंड कोल्हापुरी साज, झिलमिल पैजण आदींची भर पडली आहे.

‘मांजर’ हा चार जिवलग मित्रांच्या आयुष्यात घडणाऱ्या गमती-जमती आणि गोंधळाची विनोदी गोष्ट आहे. प्रेम, मैत्री आणि एकमेकांना मदत करण्याच्या प्रयत्नांतून निर्माण होणाऱ्या परिस्थितीमुळे चित्रपटात हास्याची मेजवानी पाहायला मिळणार आहे. सिद्धार्थ मेनन, ओंकार भोजने, तेजस राऊत, भाग्यश्री लिमये, सयाजी शिंदे, अंशुमन विचारे आणि वैष्णवी आंधळे यांच्या प्रमुख भूमिका असलेल्या या चित्रपटाचे दिग्दर्शन सुशील महादेव यांनी केले आहे. एच३ओ मोशन पिक्चर्स आणि जस्ट राइट फिल्म्स निर्मित ‘मांजर’ येत्या १८ सप्टेंबरला चित्रपटगृहात प्रदर्शित होणार आहे. त्यानिमित्ताने चित्रपटातील कलाकारांनी ‘सकाळ’शी संवाद साधला.

सिद्धार्थ मेनन
‘मांजर’ या चित्रपटाची मूळ धाटणी विनोदी आहे. अतिशय वास्तववादी वातावरणात ही कथा मांडण्यात आली असून, चित्रपटाची निर्मितीमूल्येही उच्च दर्जाची आहेत. मात्र, ‘मांजर’ची दुनिया ही पूर्णपणे आपल्या मातीतली आणि अस्सल व्यक्तिरेखांनी भरलेली आहे. ही चार मित्रांची गोष्ट आहे. यात मी, तेजस राऊत, भाग्यश्री लिमये आणि ओंकार भोजने आहोत. चित्रपटाच्या कथानकानुसार, भाग्यश्री आणि मी एकमेकांच्या प्रेमात आहोत. आम्हाला लग्न करायचं आहे; पण काही कारणांमुळे ते शक्य होत नाही. ही अडचण सोडवण्यासाठी आमचे दोन मित्र मदतीला येतात. या दोघांचेही कथेत तितकेच महत्त्व आहे. हा केवळ एका जोडप्याचा आणि त्यांच्या मित्रांचा प्रवास नाही, तर एकमेकांशिवाय राहू न शकणाऱ्या चार जिवलग मित्रांची गोष्ट आहे. चित्रपट पाहिल्यानंतर प्रेक्षकांना एक प्रसन्न आणि मनमोकळे वाटेल. मैत्री, प्रेम आणि माणसांमधील नातेसंबंध हे या कथेत अतिशय सुंदरपणे गुंफलेले आहेत. त्यामुळे हसत-हसत प्रेक्षक चित्रपटगृहाबाहेर पडतील आणि सोबत एक छान, समाधान देणारी भावना घेऊन जातील. याशिवाय, चित्रपटात अनेक आश्चर्यकारक वळणे आहेत. ‘मांजर’ हे नाव का देण्यात आले आहे, याचं उत्तरही चित्रपट पाहिल्यानंतर प्रेक्षकांना मिळेल. त्या नावामागेही एक गंमत आणि खास कारण दडले आहे.

भाग्यश्री लिमये
‘मांजर’ या चित्रपटात जरी माझी आणि सिद्धार्थची जोडी दाखवण्यात आली असली, तरी तेजस आणि ओंकारची व्यक्तिरेखाही माझ्या तितकीच जवळची आहे. आम्ही चौघेही घट्ट मित्र आहोत. कोणत्याही परिस्थितीत एकमेकांना साथ देणे, हीच या सगळ्यांची मध्यवर्ती गोष्ट आहे. मैत्री म्हणजे काय आणि मित्र एकमेकांसाठी काय करू शकतात, हे या चित्रपटातून पाहायला मिळेल. माझी व्यक्तिरेखा स्वतंत्र विचारांची, ठाम आणि व्यावसायिक क्षेत्रात काम करणाऱ्या तरुणीची आहे. हे चौघेही एकमेकांना पूर्ण करतात; पण त्याच वेळी एकमेकांमुळे अडचणीतही सापडतात. त्यामुळे सगळेच छान आणि सुरळीत घडते असे नाही. मात्र, मित्रांमुळे संकटात सापडलो तरी त्या परिस्थितीतही हसू येते. ‘मांजर’मध्ये याच प्रकारचा विनोद आणि गोंधळ पाहायला मिळणार आहे.

तेजस राऊत
या चित्रपटात मी चार मित्रांमधला एक मित्र आहे. या चित्रपटाच्या कथेइतकीच त्याच्याशी जोडली गेलेली नावेही मला भावली. चित्रपटाचे कास्टिंग हळूहळू ठरत गेले. या प्रक्रियेदरम्यान ‘एच३ओ प्रॉडक्शन’च्या तिन्ही निर्मात्यांची माझी भेट झाली. त्यांचे दृष्टिकोन आणि मराठी सिनेमात काहीतरी वेगळे करण्याची त्यांची इच्छा ऐकून मला खूप चांगले वाटले. विशेष म्हणजे, हे त्यांचे पहिलेच मराठी चित्रपटाचे निर्मिती पाऊल आहे. ते हिंदी चित्रपटसृष्टीशी संबंधित असूनही त्यांनी आपला पहिला चित्रपट मराठीत करण्याचा निर्णय घेतला. त्यामागचे कारण म्हणजे त्यांना हा विषय आवडला आणि आमचे दिग्दर्शक सुशील महादेव यांच्यावर त्यांचा विश्वास होता. मराठी कलाकार आणि कलाकृतींबद्दल त्यांच्या मनात खूप आदर आहे.

वैष्णवी आंधळे
या चित्रपटात मी सिद्धार्थची बॉस आहे. तिची स्वतःची कंपनी आहे आणि सिद्धार्थ तिच्या कंपनीत काम करत असतो. त्यामुळे त्यांचे कार्यालयीन जग, त्यांच्यातील नाते आणि त्यातून निर्माण होणाऱ्या विनोदी परिस्थिती चित्रपटात पाहायला मिळतील. या ग्रुपमध्ये एक क्रॉसओवर आहे. या मित्रांमध्ये माझा काय रोल आहे ते चित्रपट पाहिल्यावर कळेल.

विरोधकांची टीका
चौहान यांच्या बिहार दौऱ्यावर प्रतिक्रिया व्यक्त करताना राष्ट्रीय जनता दलाचे (आरजेडी) खासदार मनोज झा यांनी पुराच्या परिस्थितीबाबत केंद्र सरकारने उशिरा प्रतिसाद दिल्याचा आरोप करत टीका केली. ‘‘त्यांनी इथे यायला खूप उशीर केला ते चार्टर्ड विमानाने येत असल्याचे मी ऐकले आहे. त्याऐवजी हा पैसा पूरग्रस्तांसाठी खर्च केला असता तर अधिक चांगले झाले असते,’ असे ते म्हणाले.

परिसरात वृक्षारोपण
लोकार्पणावेळी महापौर व मान्यवरांच्या हस्ते परिसरात वृक्षारोपण करण्यात आले. सुधाकर सोनवणे यांनी नियोजनबद्ध पद्धतीने विकसित केलेल्या दाट वनराईच्या परिसरात हे केंद्र असल्याने येथे उपचारासाठी येणाऱ्या रुग्णांना हिरवेगार आणि प्रसन्न वातावरण मिळणार असल्याचे महापौर सुजाता पाटील यांनी सांगितले.

लिंग समानतेचे उद्दिष्ट गाठणे शक्य आहे, हे २० वर्षांच्या डेटातून दिसते. प्रत्येक देशाने प्रगती केली असल्याने संसाधनाचा अभाव अडथळा ठरू शकत नाही. समानता ही आर्थिक वाढ आणि स्पर्धात्मकतेचा पाया आहे; मात्र ती आपोआप साध्य होणारी गोष्ट नाही.
- सादिया जाहिदी, व्यवस्थापकीय संचालक, जागतिक आर्थिक परिषद

..लैंगिक समानतेला १२० वर्षे लागतील
सन २००६पासून हा निर्देशांक जाहीर करणाऱ्या जीनिव्हास्थित जागतिक आर्थिक परिषदेने प्रत्येक देशाने लिंग समानतेत काहीशी प्रगती केली तरी या गतीने संपूर्ण लिंग समानतेसाठी आणखी १२० वर्षे लागतील,असेही म्हटले आहे. जागतिक पातळीवर लिंग समानतेतील दरी ६९.२ टक्क्यांनी कमी झाली आहे. गेल्या वर्षी हे अंतर ०.४ टक्क्याने घटले.

लिंग असमानतेतील घट
जग : ६९.२ टक्के
भारत : ६४.५ टक्के

यादीत भारताच्या खाली असणारे देश
पापुआ न्यू गिनिआ, कुवैत, ओमान, कतार, ताजिकिस्तान, सौदी अरेबिया, इजिप्त,मोरोक्को,माली,अल्गेरिया, कांगो

अर्थमंत्री निर्मला सीतारामन : देशाची व्यापक गरज लक्षात घ्यावी

बंगळूर, ता. १६ (पीटीआय) : ‘‘कर धोरणाबाबत विचार करताना केवळ क्षेत्रीय हितसंबंधांपुरती मर्यादित न राहता देशाच्या अर्थव्यवस्थेच्या व्यापक गरजाही लक्षात घ्यायला हव्यात,’’ अशी अपेक्षा केंद्रीय अर्थमंत्री निर्मला सीतारामन यांनी बुधवारी व्यक्त केली. करप्रणाली न्याय्य, अंदाज लावता येण्याजोगी आणि गुंतवणूक व नवोन्मेषाला चालना देणारी असणे आवश्यक असल्याचे त्यांनी नमूद केले.

‘नव्या युगातील करप्रणाली’ या विषयावरील आठव्या आंतरराष्ट्रीय कर परिषदेत त्या बोलत होत्या. या परिषदेत करसुधारणांचा उद्देश अनुपालन सुलभ करणे, करदात्यांना अधिक निश्चितता देणे आणि करसंबंधी खटल्यांची संख्या घटवणे हा असल्याचे त्यांनी सांगितले. सरकारने उद्‍गम करकपात (टीडीएस) आणि उद्‍गम करसंकलनासंबंधी (टीसीएस) तरतुदी सुलभ केल्या असून, मर्यादा वाढविल्या आहेत. अनावश्यक फौजदारी तरतुदीही कमी करण्यात आल्या आहेत. “स्वेच्छेने करपालन सुलभ करणे आणि जिथे खरोखर गरज आहे तिथे अंमलबजावणीची क्षमता कायम ठेवणे, हे यामागचे तत्त्व आहे,” असे त्या म्हणाल्या.

‘विवाद से विश्वास’ योजनेसह विविध उपाययोजनांद्वारे करसंबंधी खटले कमी करण्याचा प्रयत्न करण्यात आला आहे. आयकर अपील न्यायाधिकरण, उच्च न्यायालय आणि सर्वोच्च न्यायालयातील विभागीय अपिलांसाठी आर्थिक मर्यादा अनुक्रमे ६० लाख, दोन कोटी आणि पाच कोटी रुपयांपर्यंत वाढविण्यात आल्याचे त्यांनी सांगितले. प्रत्यक्ष करप्रणालीत २०१९ मध्ये कॉर्पोरेट कर २२ टक्क्यांपर्यंत कमी करण्यात आला, तर २०२५ मध्ये वैयक्तिक आयकर रचनेत सुसूत्रता आणण्यात आली. १९६१च्या कायद्याची जागा घेणारा नवीन आयकर कायदा अधिक संक्षिप्त आणि सुलभ असून, त्यातून करदात्यांना अधिक स्पष्टता मिळेल, असे सीतारामन म्हणाल्या.

‘जीएसटी’च्या पुढील सुधारणांवरही सीतारामन यांनी भाष्य केले. ‘‘ऑक्टोबरच्या पहिल्या आठवड्यात होणाऱ्या जीएसटी परिषदेच्या बैठकीत प्रक्रियात्मक सुधारणांवर भर दिला जाईल. अजून ‘जीएसटी ३.०’ पर्यंत पोहोचलो नाही. आम्ही दोन टप्प्यांतच ते करत आहोत,” असे त्यांनी सांगितले. डिजिटल अर्थव्यवस्थेतील करप्रणालीबाबत सावध भूमिका घेताना डिजिटल कंपन्या, आभासी डिजिटल मालमत्ता, क्लाउड सेवा आणि सीमापार व्यवहार यांचा करप्रणालीवर होणारा परिणाम तपासण्याची गरज त्यांनी व्यक्त केली. कर उपाययोजनांचा भारतातील भविष्यातील गुंतवणुकीवर होणारा परिणामही निष्पक्षपणे तपासला पाहिजे, असेही त्यांनी नमूद केले.

देशाच्या अर्थव्यवस्थेने पहिल्या तिमाहीत नोंदविलेल्या ७.८ टक्के वाढीचे श्रेय सीतारामन यांनी सरकारऐवजी नागरिक, उद्योग आणि लघु व मध्यम उद्योगांना दिले. मात्र, शुल्कवाढीचा धोका, सुरू असलेली युद्धे, ‘होर्मुझ’मधील कोंडी, तसेच कच्चे तेल आणि खतांच्या किमती यामुळे जागतिक आर्थिक वातावरण आव्हानात्मक असल्याचेही त्यांनी अधोरेखित केले.

‘आयआयटी मद्रास’चा एकात्मिक आराखडा

चेन्नई, ता. १६ (पीटीआय) : हवामानबदलामुळे भारताच्या किनारपट्टीवर होणारे परिणाम आणि त्यातून निर्माण होणारे धोके जाणून घेण्यासाठीच; तसेच पायाभूत सुविधा, परिसंस्था आणि असुरक्षित समुदायांच्या संरक्षणासाठी व्यवहार्य उपाययोजना निश्चित करण्याच्या उद्देशाने ‘आयआयटी मद्रास’च्या संशोधकांनी एकात्मिक आराखडा विकसित केला आहे.
‘आयआयटी मद्रास’ने बुधवारी प्रसिद्ध केलेल्या निवेदनानुसार, विज्ञान आणि तंत्रज्ञान विभागाच्या सहकार्याने ‘आयआयटी मद्रास’मधील किनारी पायाभूत सुविधांवरील हवामानबदलाचे परिणाम आणि अनुकूलन धोरणांसाठी उत्कृष्टता केंद्रामध्ये हे संशोधन करण्यात आले. या आंतरशाखीय केंद्रात हवामानशास्त्र, किनारी अभियांत्रिकी, जलस्रोत आणि पर्यावरण अभियांत्रिकी या क्षेत्रांतील तज्ज्ञ एकत्र काम करतात. या संशोधनातील निष्कर्ष सिंगापूरमधील परिषदेत सादर करण्यात आले.
भारताच्या विस्तीर्ण किनारपट्टीवर महत्त्वाची बंदरे, मासेमारी बंदरे, वीज प्रकल्प, उद्योग, शहरी वसाहती आणि संवेदनशील परिसंस्था आहेत. हवामानातील वाढती अनिश्चितता आणि टोकाच्या हवामान घटनांची वाढती वारंवारता यामुळे पायाभूत सुविधा आणि उपजीविकेला धोका निर्माण होत आहे. त्यामुळे वैज्ञानिक पुराव्यांवर आधारित प्रभावी उपाययोजना करणे आवश्यक बनले आहे. चक्रीवादळे, वादळी समुद्रलाटा, किनारी पूर, समुद्रकिनाऱ्याची धूप, समुद्रपातळीत वाढ आणि अतिवृष्टी यांमुळे निर्माण होणाऱ्या धोक्यांचे मूल्यमापन करण्यासाठी संशोधकांनी प्रगत प्रारूपे आणि साधने विकसित केली आहेत. भारतीय किनारपट्टीचा विचार करून हवामान, चक्रीवादळ, वादळी समुद्रलाटा, लाटा, जलगतिकीय आणि किनारपट्टीच्या भूरूपीय बदलांची प्रारूपे विकसित करण्यात आली आहेत. संशोधकांनी विकसित केलेल्या नव्या वाऱ्यांच्या माहितीच्या एकत्रीकरणाच्या तंत्रामुळे वादळी समुद्रलाटांचा अंदाज अधिक अचूक होण्यास मदत झाली आहे.
चेन्नईतील पूरग्रस्त भागांचे प्रारूप तयार करून त्यांचे नकाशेही तयार करण्यात आले आहेत. आपत्ती व्यवस्थापनाची तयारी आणि शहरी नियोजनासाठी त्याचा उपयोग होणार आहे. समुद्रपातळीतील वाढ आणि वादळी समुद्रलाटांचा परिणाम लक्षात घेऊन चेन्नई, एन्नोर आणि कराईकलसाठी किनारी असुरक्षितता निर्देशांकाचे नकाशे तयार करण्यात आले आहेत.
या केंद्राचे प्रमुख संशोधक आणि ‘आयआयटी मद्रास’च्या महासागर अभियांत्रिकी विभागाचे प्राध्यापक एस. ए. सन्नासीराज म्हणाले, ‘‘भारताच्या किनारपट्टीवर देशातील अनेक महत्त्वाच्या पायाभूत सुविधा असून लाखो लोकांच्या उपजीविकेचा आधार या भागावर आहे. हवामानबदलामुळे किनारी धोक्यांची तीव्रता आणि वारंवारता वाढत असल्याने किनारपट्टीची लवचिकता वाढविण्याला तातडीचे महत्त्व प्राप्त झाले आहे. आमच्या केंद्राने हवामान प्रारूपे, अभियांत्रिकी उपाय आणि समुदायाच्या सहभागावर आधारित अनुकूलन यांची सांगड घालणारा सर्वंकष दृष्टिकोन स्वीकारला आहे. त्यामुळे किनारी भागांमधील धोके कमी करण्यासाठी आणि आपत्तीच्या वेळी तयारी अधिक सक्षम करण्यासाठी प्रत्यक्षात वापरता येतील अशा उपाययोजना उपलब्ध होतील.’’

संवर्धन राखीव दर्जाची शिफारस
डीपीएस तलावाच्या संवर्धनासाठी राज्य सरकारने नियुक्त केलेल्या उच्चस्तरीय समितीने सुमारे १२ हेक्टर पाणथळ जागेला संवर्धन राखीव क्षेत्राचा दर्जा देण्याची शिफारस केली आहे. राज्य वन्यजीव मंडळानेही या प्रस्तावाला मंजुरी दिली आहे. मात्र, अंतिम शासन निर्णयाची प्रतीक्षा कायम आहे.

कारवाईचे आदेश
झाडांवर विद्युत रोषणाई करण्यास मनाई असून, त्याचे उल्लंघन करणाऱ्यांवर कार्यवाही करण्याचे आदेश विभाग अधिकाऱ्यांना देण्यात आले आहेत, अशी माहिती उद्यान विभागाच्या उपायुक्त स्मिता काळे यांनी दिली. त्यामुळे आता संबंधित गणेशोत्सव मंडळांवर महापालिका प्रशासन कोणती कारवाई करते, याकडे लक्ष लागले आहे.

खड्ड्यातच खुर्ची आणि चहा
प्रणीत याने एका खड्ड्यात खुर्ची टाकली आणि तेथेच बसून चहा-बिस्कीट खाण्यास सुरुवात केली. प्रशासनाचे लक्ष वेधण्यासाठी केलेला हा प्रकार पाहण्यासाठी नागरिकांची गर्दी झाली. खड्डा इतका मोठा आहे की इथे बसता येते, चहा पिता येतो आणि वर्तमानपत्रही वाचता येते, असा उपरोधिक संदेशच त्याच्या या आंदोलनातून देण्यात आला. त्यानंतर तो स्पायडरमॅनची वेशभूषा परिधान करून खड्ड्यात बसला.

तात्पुरते खड्डे बुजवून उपयोग काय?
प्रणीत अमृते याने स्वतःच्या परीनेही खड्डे बुजवण्याचा प्रयत्न केल्याचे सांगितले. त्याने माती आणि खडी टाकून खड्डे बुजवण्याचा प्रयत्न केला; मात्र पावसाच्या पाण्यामुळे ही सामग्री वाहून गेली. कायमस्वरूपी दुरुस्ती करण्यासाठी काँक्रीट किंवा अन्य बांधकाम करणे आपल्या आवाक्याबाहेर असल्याने प्रशासनाचे लक्ष वेधण्यासाठी आंदोलनाचा मार्ग स्वीकारावा लागल्याचे त्याने स्पष्ट केले.

अभियानाच्या माध्यमातून नशेच्या प्रभावाखाली वाहन चालविण्यास प्रतिबंध करण्यासोबतच जनजागृती, नियमित तपासणी, प्रतिबंधात्मक उपाय, उपचार व पुनर्वसन यांचा समन्वय साधण्यात येणार आहे. सुरक्षित वाहतूक व्यवस्था ही शासनाच्या प्राधान्यक्रमांपैकी एक असून, मुख्यमंत्री देवेंद्र फडणवीस यांच्या नेतृत्वाखालील ‘विकसित महाराष्ट्र २०४७’च्या उद्दिष्टपूर्तीसाठी सुरक्षित आणि सक्षम वाहतूक व्यवस्था निर्माण करण्यावर भर देण्यात येत आहे. २०२६ ते २०२९ या कालावधीत विविध प्रकारच्या प्रवासी व मालवाहतूक सेवांमध्ये एकात्मिक तपासणी व्यवस्था लागू करण्यासाठी आवश्यक कार्यपद्धती व मार्गदर्शक तत्त्वे विकसित करण्यात येणार आहेत.

विविध वाहतूक सेवांचा समावेश
प्रस्तावित ‘नशामुक्त एसटी महामंडळ’ अभियानांतर्गत महाराष्ट्र राज्य मार्ग परिवहन महामंडळ, महापालिका बससेवा, शासकीय वाहने, सार्वजनिक उपक्रम तसेच शासनासाठी कार्यरत कंत्राटी वाहनांचा समावेश करण्यात येणार आहे. त्याचबरोबर खासगी बस, पर्यटन वाहने, टॅक्सी, ॲपआधारित कॅब, ऑटोरिक्षा आणि कंत्राटी प्रवासी वाहतूक सेवांमध्येही तपासणी व्यवस्था लागू करण्याचे नियोजन असल्याचे मंत्री सरनाईक यांनी सांगितले.

तपासणीसाठी विशेष किट
अमली पदार्थांची प्राथमिक स्तरावर तत्काळ तपासणी करता यावी, यासाठी विकसित करण्यात आलेल्या विशेष तपासणी किटच्या चाचण्यांचे प्रमाणीकरण झाले आहे. या किटचा राज्यात प्रायोगिक तत्त्वावर वापर करण्याच्या दृष्टीने कार्यवाही करण्यात येणार असल्याचे परिवहनमंत्री सरनाईक यांनी सांगितले.

मुंबई : परिवहनमंत्री प्रताप सरनाईक यांच्या अध्यक्षतेखाली मंत्रालयात बैठक पार पडली.

विशेष म्हणजे भातपिकांच्या पानांवर मोठ्या प्रमाणात दवबिंदू जमा झाल्याचे दिसून आले. धुक्यात हरवलेली हिरवीगार भातशेती आणि त्यावर चमकणारे दवबिंदू यामुळे ग्रामीण भागात निसर्गाचे मनमोहक रूप पाहायला मिळाले. शहरातून ग्रामीण भागाकडे सायकलिंगसाठी येणाऱ्या नागरिकांनी या दृश्याचे छायाचित्रण आपल्या कॅमेऱ्यात कैद केल्याचे दिसून आले.

दरम्यान, पावसाने काही दिवस विश्रांती घेतल्याने भातपिकांच्या वाढीबाबत शेतकऱ्यांची चिंता वाढली आहे. यंदाच्या खरीप हंगामाच्या सुरुवातीला झालेल्या समाधानकारक पावसामुळे भातपिकांना चांगली वाढ मिळाली होती, मात्र सध्या पावसाचा खंड पडल्याने पिकांना आवश्यक असलेल्या पाण्याची कमतरता भासण्याची शक्यता आहे. भातपीक अद्याप निसवण्याच्या अवस्थेत आलेले नसल्याने पुढील काळातील पावसाकडे शेतकऱ्यांचे लक्ष लागले आहे.

दाट धुके आणि पिकांवरील दवबिंदू यामागील कारणांबाबत हवामानतज्ज्ञ अभिजित मोडक यांनी सांगितले की, सप्टेंबर ते ऑक्टोबरदरम्यान अशी स्थिती सामान्य असते. या काळात हंगामी पश्चिमेकडील वारे हळूहळू कमजोर होतात आणि रात्रीचे वातावरण अधिक शांत व निरभ्र बनते. मॉन्सूनमुळे जमिनीत पुरेसा ओलावा असल्याने रात्री जमिनीचे विकिरणजन्य थंडकरण होते. त्यामुळे जमिनीलगतची हवा दवबिंदू तापमानापर्यंत थंड होते आणि परिणामी जमिनीवर धुक्याची निर्मिती होते.

संबंधित विभागांनी या गंभीर समस्येकडे तातडीने लक्ष देऊन अनधिकृत पार्किंगवर कारवाई करावी अन्यथा नागरिकांच्या हितासाठी न्यायालयात दाद मागावी लागेल.
- ॲड. संतोष धोत्रे, आरटीआय कार्यकर्ते

वाहनचालक आणि पादचाऱ्यांना जीव धोक्यात घालून मार्ग काढावा लागतो. प्रशासनाने तातडीने ही वाहने हटवून कायमस्वरूपी पार्किंगची व्यवस्था करावी.
- गौतम मोरे, स्थानिक नागरिक

गव्हाणपाडा परिसरातील अनधिकृत पार्किंगचा विषय प्रशासन आणि प्रभाग समितीकडे मांडण्यात आला आहे. हा प्रश्न सोडविण्यासाठी प्रयत्न करण्यात येतील.
- अंजली नाईक, नगरसेविका, शिवसेना (शिंदे गट)

वाशी नाका परिसरातील अनधिकृत पार्किंगबाबत वाहतूक विभागाकडून कारवाई सुरू आहे. नियमांचे उल्लंघन करून वाहने उभी करणाऱ्यांवर आवश्यक ती कारवाई करण्यात येत आहे.
- लक्ष्मण उकिर्डे, पोलिस निरीक्षक, ट्रॉम्बे वाहतूक विभाग

भाड्यावरून जुंपणार
शिवशाहीने एमएमआरडीएला भाडेतत्त्वावर घरे दिली आहेत. त्याचे भाडे त्यांनी देणे बंधनकारक आहे. त्यानुसार मागील दोन वर्षांचे भाडे आम्ही वसूल करणार असून, त्याबाबत गृहनिर्माण विभागाकडे प्रस्ताव दिला असल्याचे शिवशाहीच्या एका वरिष्ठ अधिकाऱ्याने सांगितले. त्यामुळे भाड्यावरून शिवशाही आणि एमएमआरडीएमध्ये जुंपणार असल्याचे स्पष्ट झाले आहे.

जिल्हा परिषदेचे मुख्य कार्यकारी अधिकारी रणजित यादव यांनी अभियानाच्या तयारीसाठी मंगळवारी (ता. १५) संबंधित अधिकाऱ्यांची बैठक घेतली. प्रत्येक विभागाने स्वतंत्र नियोजन न करता समन्वयाने काम करावे आणि नागरिकांना केंद्रस्थानी ठेवून सेवा अधिक गतिमान करण्याच्या सूचना त्यांनी दिल्या. अभियानाचा महत्त्वाचा भाग म्हणून प्रत्येक तालुक्यात ‘सेवा सेतू’ शिबिरे घेण्यात येणार आहेत. या शिबिरांमध्ये पात्र लाभार्थ्यांना विविध शासकीय योजनांची माहिती देऊन त्यांना थेट लाभ मिळवून देण्याची कार्यवाही केली जाणार आहे. त्यामुळे योजना आणि लाभार्थी यांच्यातील अंतर कमी करण्याचा प्रयत्न प्रशासनाकडून केला जाणार आहे.

‘सेवा माझे योगदान’ या उपक्रमातून गाव आणि वाडी पातळीवर स्थानिक गरजेनुसार विविध कार्यक्रम घेण्यात येणार आहेत. रक्तदान, वृक्षारोपण, स्वच्छता, आरोग्य तपासणी, योग-ध्यान, प्लॅस्टिकमुक्ती, जलसंधारण, कचरा वर्गीकरण व कंपोस्टिंग याबरोबरच महिला आरोग्य, पोषण आणि ॲनिमियाबाबत जनजागृती केली जाणार आहे. याशिवाय सायबर सुरक्षा, रस्ते सुरक्षा, दिव्यांगजनांना सहकार्य, मतदार जागृती आणि शासकीय योजनांची माहिती देण्याचे उपक्रमही राबविले जाणार आहेत. या उपक्रमांसाठी गट विकास अधिकारी नोडल अधिकारी म्हणून काम पाहतील.

अंगणवाडी उत्सवात माता-बालकांचा सहभाग
अभियानात सेवा ज्योत यात्रा, चित्रकला व वक्तृत्व स्पर्धा, अंगणवाडी उत्सव, आशीर्वादाचा दिवा आणि बदलाची गोष्ट यांसारख्या उपक्रमांचाही समावेश आहे. अंगणवाडी उत्सवाच्या माध्यमातून माता आणि बालकांना सहभागी करून आरोग्य व पोषण योजनांची माहिती दिली जाणार आहे. अंगणवाडी सेविका, मदतनीस आणि आशा कार्यकर्त्यांचा सन्मानही करण्यात येणार आहे.

योजनांच्या यशोगाथा गावागावात
शासकीय योजनांमुळे नागरिकांच्या जीवनात झालेला बदल ‘बदलाची गोष्ट’ या उपक्रमातून मांडण्यात येणार आहे. तर ‘नमो सेवागाथा’अंतर्गत शाळा, महाविद्यालये आणि ग्रामपंचायतींच्या स्तरावर कला व नाट्य पथकांच्या माध्यमातून शासकीय योजनांची माहिती दिली जाणार आहे. दरम्यान, अभियानातील प्रत्येक उपक्रमाची माहिती, लाभार्थ्यांचा तपशील तसेच फोटो, व्हिडिओ आणि रील्सचे संकलन करण्याचे निर्देश देण्यात आले आहेत.

हाय कोर्टाचा केंद्राला सवाल : व्यसनाधीनता रोखण्यासाठी उपाय

नवी दिल्ली, ता. १६ (पीटीआय) : ‘इन्फिनिट स्क्रोल’ आणि ‘ऑटो प्ले’सारख्या वापरकर्त्यांना व्यसनाधीन करणाऱ्या ‘सोशल मीडिया’तील ‘फिचर’वर नियंत्रण ठेवण्यासाठी केंद्र सरकार धोरण आखण्याचा विचार करत आहे का?’ अशी विचारणा दिल्ली उच्च न्यायालयाने बुधवारी केली.

न्यायाधीश नितीन वासुदेव सांब्रे आणि न्या. अमित शर्मा यांच्या खंडपीठाने याबाबत केंद्राकडून माहिती मागवली. सोशल मीडियाच्या माध्यमांवरील वापरकर्त्यांचा सहभाग वाढविणाऱ्या आणि व्यसनाधीन करणाऱ्या रचनेची तपासणी करण्यासाठी तज्ज्ञ समिती स्थापन करण्याची मागणी करणाऱ्या जनहित याचिकेवर तीन आठवड्यांनंतर सुनावणी घेण्यात येणार आहे. केंद्र सरकार अशा धोरणाचा विचार करत आहे का, अशी विचारणा न्यायालयाने केली असता अतिरिक्त महाधिवक्ता चेतन शर्मा यांनी याबाबत आपल्याकडे निश्चित माहिती नसल्याचे सांगितले. त्यावर, “धोरणाचा विचार सुरू आहे का, याबाबत माहिती घेऊन या. आम्ही तीन आठवड्यांनी सुनावणी घेऊ,” असे न्यायालयाने सांगितले. याचिकाकर्ते आणि कायद्याचे प्राध्यापक विकास कथुरिया यांनी सांगितले की, याचिकेचा मुद्दा ‘सोशल मीडिया’वरील सामग्री नसून, वापरकर्त्यांचे लक्ष सतत गुंतवून ठेवण्यासाठी करण्यात आलेल्या व्यासपीठांच्या रचनेशी संबंधित आहे. त्यात ‘इन्फिनिट स्क्रोल’, ‘ऑटो प्ले’, वैयक्तिक पसंतीनुसार दाखविले जाणारे फीड, सततच्या सूचना आणि ‘लाईक’सारख्या वैशिष्ट्यांचा समावेश असल्याचे त्यांनी सांगितले.

याचिकेत केंद्र सरकार आणि राष्ट्रीय बाल हक्क संरक्षण आयोगाला अशा वैशिष्ट्यांवर निर्बंध किंवा नियमन करण्याचे निर्देश देण्याची मागणी करण्यात आली आहे. तसेच, वापरकर्त्यांच्या सुरक्षिततेसाठी उपाययोजना सुचविणाऱ्या तज्ज्ञ समितीची स्थापना करण्याची मागणीही करण्यात आली आहे.

उच्चस्तरीय समितीचा २९ला कोकण दौरा

सकाळ वृत्तसेवा
रत्नागिरी, ता. १६ ः भरती प्रक्रियेत सुधारणा घडवून आणण्याच्यादृष्टीने ही प्रक्रिया अत्यंत महत्त्वपूर्ण असून, कोकण विभागातील सर्व स्पर्धा परीक्षा परीक्षार्थी, विद्यार्थी, पालक, शिक्षक, शिक्षणतज्ज्ञ आणि सुजाण नागरिकांनी या प्रक्रियेत सक्रिय सहभाग नोंदवून आपल्या महत्त्वपूर्ण सूचना सादर कराव्यात, असे प्रशासनातर्फे केले आहे.
राज्यातील विविध भरती परीक्षा अधिक सुरक्षित, पारदर्शक, विश्वासार्ह आणि उमेदवाराभिमुख करण्यासाठी महाराष्ट्र शासनाने गठित केलेली उच्चस्तरीय समिती कोकण विभागाच्या दौऱ्यावर येत आहे. समितीचे अध्यक्ष व सदस्य २९ रोजी वांद्रे (पूर्व) चेतना कॉलेज येथे भेट देणार आहेत. या पार्श्वभूमीवर कोकण विभागातील विद्यार्थी, स्पर्धा परीक्षा परीक्षार्थी, पालक, शैक्षणिक संस्था व तज्ज्ञांकडून सुधारणांबाबत लेखी सूचना, अभिप्राय व निवेदने मागवण्यात आली आहेत. शासनामार्फत घेण्यात येणाऱ्या भरती परीक्षांची पद्धत अधिक गतिमान व त्रुटीमुक्त व्हावी यासाठी या उच्चस्तरीय समितीची स्थापना करण्यात आली आहे. कोकण विभागातील संबंधित घटकांना समितीसमोर आपले म्हणणे, सूचना मांडता याव्यात यासाठी २९ सप्टेंबर रोजी चेतना कॉलेज जिल्हाधिकारी, मुंबई उपनगर यांच्या कार्यालयाजवळील चेतना महाविद्यालय मार्ग येथे बैठक आयोजित केली आहे. समितीच्या भेटीदरम्यान प्रत्यक्ष भेटून चर्चा करण्यासाठी वेळ मागणे अथवा आपले लेखी निवेदन सादर करण्यासाठी १५ ते २३ सप्टेंबर हा कालावधी निश्चित केला आहे. अप्पर जिल्हा उपजिल्हाधिकारी यांच्या कार्यालयात सकाळी ११ ते सायंकाळी ५:३० या वेळेत निवेदन देता येईल. अभिप्राय konkan_examreformstaskforce@maharashtra.gov.in या ई-मेलवर अर्ज पाठवू शकतात.

शहरातील विविध भागांत दुचाकी चोरीच्या घटना सातत्याने घडत असल्याचे पोलिस ठाण्यांमध्ये दाखल होणाऱ्या तक्रारींवरून स्पष्ट होते. वाहनधारकाने काही मिनिटांसाठी दुचाकी उभी केली असली तरी चोरट्यांना संधी मिळाल्यास ते काही क्षणांत वाहन घेऊन पसार होतात. त्यामुळे रस्त्यालगत अथवा इतर ठिकाणी उभी केलेली ‘आपली दुचाकी सुरक्षित आहे’ असा समज वाहनधारकांनी ठेवणे धोकादायक ठरत आहे.

रस्त्यालगतची वाहने चोरट्यांच्या रडारवर
काही वाहनधारक हँडल लॉक करण्याकडे दुर्लक्ष करतात. अशा वाहनांवर चोरट्यांची नजर असते. वाहनधारक काही मिनिटांसाठी दूर गेल्यानंतर चोरटे संधी साधून वाहन लंपास करतात. तसेच काही दुचाकींचे लॉक तोडूनही दुचाकी लंपास केली जाते.

चोरट्यांचे ‘उद्योग’
शहराच्या विविध भागांत सीसीटीव्ही कॅमेरे बसविले आहेत. मात्र, चोरटे चेहरा झाकणे, नंबर प्लेटमध्ये फेरफार करणे किंवा चोरीचे वाहन तातडीने दुसऱ्या ठिकाणी नेणे अशा पद्धतींचा वापर करतात. त्यामुळे चोरीनंतर वाहनाचा माग काढणे पोलिसांसाठी आव्हानात्मक ठरते. काही प्रकरणांमध्ये सीसीटीव्ही फुटेजच्या आधारे पोलिस चोरट्यांचा शोध घेतात.

पार्किंगची निश्चित जागा नसल्यानेही धोका
शहरातील अनेक भागांत पुरेशी अधिकृत पार्किंग व्यवस्था नसल्याने नागरिकांना रस्त्याच्याकडेला किंवा उपलब्ध जागेत दुचाकी उभी करावी लागते. अशा ठिकाणी वाहनांच्या सुरक्षेची कोणतीही व्यवस्था नसते. परिणामी, वाहन चोरीबरोबरच वाहनातील वस्तू चोरी जाण्याचाही धोका वाढतो.

ही घ्या काळजी
- दुचाकी शक्यतो अधिकृत व सुरक्षित पार्किंगमध्येच उभी करावी
- वाहन सोडताना हँडल लॉक करणे आवश्यक
- शक्य असल्यास अतिरिक्त डिस्क लॉक किंवा सुरक्षितता उपकरणाचा वापर करावा
- दुचाकी बराचवेळ एकाच ठिकाणी उभी ठेवणे टाळावे
- वाहनाची आरसी, विमा, नोंदणी क्रमांकाची प्रत सुरक्षित ठेवावी
- तत्काळ पोलिसात तक्रार द्यावी

चोरीच्या घटना
महिना ः दुचाकी ः तीन चाकी ः चारचाकी
जानेवारी ः १०७ ः ०४ ः ०७
फेब्रुवारी ः ८९ ः ०५ ः ०३
मार्च ः ७९ ः १४ ः ०५
एप्रिल ः ६२ ः ०९ ः ०४
मे ः ८४ ः ०२ ः ०७
जून ः ८८ ः ०७ ः ०७
जुलै ः ९८ ः १० ः ०५

‘‘वाहन चोरीच्या घटना थांबविण्यासाठी गस्त वाढवली आहे. या गुन्ह्याच्या तपासासाठी गुन्हे शाखेच्या पथकांना विशेष सूचना दिलेल्या आहेत. घटनास्थळाची पाहणी करून सखोल तपास करीत वाहनचोरांच्या मुसक्या आवळल्या जात आहेत. अनेक गुन्हेगार बाहेरील जिल्ह्यांतील असल्याचे समोर येते. या घटना रोखण्यासाठी घटनेच्या मुळापर्यंत जाऊन तपास केला जात आहे. मागील काही दिवसांत गुन्हे उघडकीस आणण्याचे प्रमाण अधिक आहे.
- रोहिदास पवार, पोलिस उपायुक्त, गुन्हे शाखा
---

सातारा, ता. १६ : आजच्या स्पर्धात्मक आणि तंत्रज्ञानाधारित युगात केवळ शैक्षणिक पदवीपेक्षा प्रत्यक्ष काम करण्याचे तांत्रिक कौशल्य रोजगार मिळवून देण्यासाठी अधिक महत्त्वाचे ठरत आहे. आर्टिफिशियल इंटेलिजन्स (एआय) आणि ऑटोमेशनचा वापर वाढत असताना उद्योगांना आधुनिक तंत्रज्ञानासोबत प्रत्यक्ष मशिन, इलेक्ट्रिकल सिस्टीम, वाहन, बांधकाम व उत्पादन क्षेत्रातील काम हाताळणारे कुशल तंत्रज्ञ मोठ्या प्रमाणावर आवश्यक आहेत. तांत्रिक कौशल्यच रोजगाराच्या संधींचा मजबूत आधार आहे, तसेच योग्य कौशल्य आत्मसात केल्यास नोकरीसोबत स्वयंरोजगाराचीही दारे खुली होऊ शकतात. हीच गरज लक्षात घेऊन येथील शिंदे-देशमुख टेक्निकल इन्स्टिट्यूटद्वारे रोजगार व स्वयंरोजगाराभिमुख शासनमान्य कोर्सेसचे प्रशिक्षण दिले जात आहे.

संस्थेत इलेक्ट्रिशियन, ऑटो इंजिनिअरिंग टेक्निशियन, डिझेल मेकॅनिक, वायरमन, कन्स्ट्रक्शन सुपरवायझर आणि सीएनसी ऑपरेटिंग ॲण्ड प्रोग्रामिंग या अभ्यासक्रमांचे प्रशिक्षण सुरू आहे. प्रशिक्षणात विद्यार्थ्यांच्या प्रत्यक्ष प्रॅक्टिकल कौशल्यावर विशेष भर दिला जातो, जेणेकरून प्रशिक्षण पूर्ण केल्यानंतर विद्यार्थी उद्योगक्षेत्रात आवश्यक काम आत्मविश्वासाने करू शकेल. एआयच्या काळात तंत्रज्ञान बदलत राहणार असले तरी तंत्रज्ञानाचा वापर करणारे आणि प्रत्यक्ष तांत्रिक काम करणारे कुशल मनुष्यबळ कायम आवश्यक राहणार आहे. त्यामुळे युवकांनी भविष्यातील रोजगाराच्या संधी लक्षात घेऊन तांत्रिक कौशल्य प्रशिक्षण घेणे ही काळाची गरज असल्याचे संस्थेच्या वतीने सांगण्यात आले. या अभ्यासक्रमांसाठी प्रवेश सुरू असून, इच्छुक विद्यार्थी व पालकांनी प्रवेशासाठी मोळाचा ओढा (वर्ये रस्ता) येथील शिंदे देशमुख टेक्निकल इन्स्टिट्यूट येथे संपर्क साधावा, असे आवाहन करण्यात आले आहे.

शेतकरी नियोजन ः रेशीमशेती
-----------------
शेतकरी ः सदाशिव दामोदर वाघमारे
गाव ः केकतजळगाव, ता. पैठण, जि. छत्रपती संभाजीनगर
एकूण शेती ः १५ एकर
तुती क्षेत्र ः चार एकर
----------------------------
केकतजळगाव (ता. पैठण, जि. छत्रपती संभाजीनगर) येथील सदाशिव दामोदर वाघमारे हे मागील १० वर्षांपासून रेशीमशेती करत आहेत. सुरुवातीला एक एकरावर केलेली तुती लागवड त्यांनी विस्तारत ४ एकरापर्यंत वाढविली आहे. रेशीम उत्पादनासाठी त्यांनी २२ बाय १०० फूट आकारमानाच्या शेडची उभारणी केली आहे. त्यामुळे एक वेळेस चारशे अंडीपुंजांपर्यंतची बॅच घेणेे शक्य होते. शिवाय तुती लागवड जास्त क्षेत्रावर असल्यामुळे मुबलक तुती पाला उपलब्ध रेशीम अळ्यांना उपलब्ध होतो. दरवर्षी पर्जन्यमानाचा अंदाज घेऊन तुती बागेस पाण्याची उपलब्धता कशी राहील यानुसार रेशीम कोष उत्पादनाचे नियोजन केले जाते. यावर्षी पाऊस कमी असल्यामुळे कमी अंडीपुंजाची बॅच घेतल्याचे श्री. वाघमारे सांगतात.
पारंपरिक पीक पद्धतीतून कुटुंबाचा उदरनिर्वाह करणे शक्य होत नव्हते. अशा स्थितीत चुलत भाऊ संतोष वाघमारे यांच्याकडून प्रेरणा घेऊन रेशीम शेती करण्याचा निर्णय घेतला. कमी कालावधी, कमी पाणी आणि कमी खर्चात जास्त उत्पन्न देणारा रेशीम व्यवसायाचे अर्थकारण समजून घेतल्यानंतर या उद्योगाची सुरुवात केल्याचे श्री. वाघमारे सांगतात.
------------------
बॅच नियोजन ः
चार एकरांतील तुती लागवडीनुसार दोन टप्प्यात बागेचे व्यवस्थापन करून बॅच घेण्याचे नियोजन करण्यात आले. . प्रति बॅच साधारण ४०० अंडीपुंज उत्पादन घेतले जाते. यावर्षी २५० अंडीपुंजाची एक बॅच आतापर्यंत पूर्ण झाली आहे. गतवर्षी याच कालावधीत ४०० अंडीपुंजाची बॅच घेतली होती. यावर्षी पर्जन्यमान कमी असल्याने कमी अंडीपुंजाची बॅच घेण्यात आली आहे.
श्री. वाघमारे यांच्या माहितीनुसार, पाऊस चांगला असेल तर वर्षातून सात ते आठ बॅच, तर मध्यम पाऊस असेल तीन ते पाच पर्यंत बॅच घेतल्या जातात. अगदीच अत्यल्प पाऊस असेल तर दोन किंवा तीन बॅच घेण्यावर भर दिला जातो. त्यामुळे उपलब्ध पाण्याचे काटेकोर नियोजन करणे शक्य होते.
....................................
एक एकरापासून सुरुवात ः
श्री. वाघमारे म्हणाले, की रेशीम उद्योगाची सुरुवात करण्यासाठी सुरुवातीला सुरुवातीला एक एकरावर तुती लागवड केली होती. हळूहळू व्यवसायातील बारकावे आणि अर्थकारण समजल्यानंतर टप्प्याटप्प्याने तुती लागवड क्षेत्रात वाढ करत ती पाच एकरांपर्यंत नेली. मात्र पुढे एक एकर क्षेत्र कमी करत आता चार एकरावर तुती बागेच्या व्यवस्थापनातून कोष उत्पादन घेतले जात आहे. व्यवसायामध्ये सदाशिव वाघमारे यांना पत्नी कालिंदा वाघमारे, मुलगा गजानन व दत्तात्रय तसेच दोन्ही सुनांची मदत होते.
----------
दर्जेदार कोष उत्पादनावर भर ः
रेशीम उद्योगामध्ये दर्जेदार कोष उत्पादन अत्यंत महत्त्वाचे असते. कोषाचा दर्जा जितका चांगला तितका दर अधिक मिळण्यास मदत मिळते. त्यासाठी योग्य बॅच नियोजन करून दर्जेदार कोष उत्पादन घेण्याचा प्रयत्न केला जातो. रेशीम उद्योगातील सर्वात मोठी समस्या ही रेशीम अळ्यांवर होणारा रोगांचा प्रादुर्भाव ही असते. रेशीम अळ्यांवर प्रामुख्याने ग्रासेरी, फ्लॅचेरी, मस्करडायन यासारख्या रोगांचा प्रादुर्भाव होतो. यामुळे अळ्यांची कोष निर्मिती क्षमता खालावते. परिणामी संपूर्ण बॅच बाद होण्याचा धोका असतो. त्यासाठी शेड निर्जंतुकीकरण, स्वच्छता यावर भर देऊन रोगांचा प्रादुर्भाव टाळण्यासाठी प्रयत्न केले जातात. याशिवाय रेशीम अळीवर उझी माशीचा प्रादुर्भाव होतो. त्यासाठी मच्छरदाणीचा वापर करून उझी माशीला अटकाव केला जातो.
........................
पाण्याच्या उपलब्धतेवर बॅचचे गणित
श्री वाघमारे यांच्या माहितीनुसार, पाऊस चांगला असेल तर वर्षातून सात ते आठ बॅच निघतात. मध्यम पाऊस असेल तीन ते पाच पर्यंत बॅच निघतात. आणि अगदीच अत्यल्प पाऊस असेल तर दोन किंवा तीन बॅच निघतात. अर्थात पावसाळा, पाण्याची उपलब्धता यानुसार ते रेशीम कीटक संगोपनाच्या किती बॅच घ्यायच्या याचे नियोजन केले जाते. रेशीम उत्पादनासाठी २२ बाय १०० फूट आकारमानाचे चारशे अंडीपुंजाची एक वेळेस बॅच घेण्याची क्षमता असलेले शेड आहे.
....
पाल्याच्या दर्जावर भर
तुती पाल्याचा दर्जा चांगला राखण्यासाठी सुरुवातीला एकरी आठ ते दहा ट्रॉली शेणखत वापरले जाते. आवश्यकतेनुसार शेणखत बाहेरून विकत घेतले जाते. शेणखताच्या वापरामुळे तुती पाल्याची प्रत चांगली येऊन भरघोस उत्पादन मिळण्यास मदत होते. त्याचबरोबर १०:२६:२६, अमोनिअम सल्फेट, सूक्ष्म अन्नद्रव्यांचा तुती बागेत वापर केला जातो.
.....
विक्री नियोजन ः
रेशीम उत्पादनाला सुरुवात केल्यानंतर सुरुवातीच्या काळात रामनगरम मार्केटमध्ये कोषाची विक्री केली जात असे. पुढे जालनास, बीड मार्केटला विक्री करण्यास सुरुवात केली. सध्या बीड बाजारपेठेत चांगले दर मिळत असल्याने तेथेच विक्री करण्यावर भर दिला जात आहे.
रेशीम कोष उत्पादनात उत्पादनाच्या २० टक्के खर्च व त्यामधून ७० ते ८० टक्के निव्वळ नफा मिळत असल्याचा अनुभव सदाशिव सांगतात. त्यामुळे इतर पारंपरिक पिकांच्या तुलनेत रेशीम उद्योग अधिक शाश्वत उत्पन्न देणारा ठरतो आहे.
..........................
- सदाशिव वाघमारे, ९९२२२४९९६९

फोट ः
शेतकरी शेड सह व तुती असे दोन फोटो पाठवीत आहे.
-------------------

विद्यापीठांना संशोधनासाठी ७२ कोटी
सूरज मांढरे ः कृषी संशोधन अन् विकास समितीची बैठक
सकाळ वृत्तसेवा
दापोली, ता. १६ ः ‘राज्यातील चारही कृषी विद्यापीठांची कार्यपद्धती वेगवेगळी असली तरी ती शेती प्रगतीचे केंद्र आहेत. प्रत्येक विद्यापीठाला संशोधनासाठी ७२ कोटी रुपयांची तरतूद करण्यात आली आहे. या बैठकीत मंजूर झालेल्या सर्व शिफारसी हा माझ्यासाठी कृती आराखडा असून, प्रशासकीय स्तरावर त्या वेगाने पूर्ण करण्यावर माझा भर राहील,’ असे प्रतिपादन राज्याचे कृषी आयुक्त सूरज मांढरे यांनी केले.
येथील डॉ. बाळासाहेब सावंत कोकण कृषी विद्यापीठ आणि महाराष्ट्र कृषी शिक्षण व संशोधन परिषद (पुणे) यांच्या संयुक्त विद्यमाने आयोजित ५४ व्या तीनदिवसीय ‘संयुक्त कृषी संशोधन आणि विकास समिती’ बैठकीचा समारोपावेळी ते बोलत होते. हा कार्यक्रम विद्यापीठाच्या सर विश्वेश्वरैया सभागृहात झाला. समारोप कार्यक्रमाच्या अध्यक्षस्थानी वसंतराव नाईक मराठवाडा कृषी विद्यापीठाचे कुलगुरू डॉ. इंद्रमणी होते. अध्यक्षीय भाषणात त्यांनी सांगितले की, कृषी विस्ताराची दिशा बदलण्यासाठी ‘शेतकरी ते शेतकरी’ असा तंत्रज्ञानाचा प्रसार होणे गरजेचे आहे. कृषी विज्ञान केंद्रातील अधिकारी व कर्मचाऱ्यांना आयसीएआरच्या धर्तीवर पदोन्नती देण्याचा प्रयत्न असून, राज्यातील प्रत्येक जिल्ह्यात एक ‘इन्क्युबेशन सेंटर’ सुरू करण्यात येणार आहे.
या वेळी अकोला विद्यापीठाचे कुलगुरू डॉ. शरद गडाख म्हणाले, ‘भौगोलिक परिस्थिती वेगळी असली तरी शेतकरी समृद्ध करणे हेच आमचे अंतिम उद्दिष्ट आहे. गुजरातप्रमाणे महाराष्ट्रातही राष्ट्रीय कृषी विकास योजनेचा निधी आणि शासनाकडून अटींमध्ये शिथिलता मिळणे गरजेचे आहे.’
राहुरी विद्यापीठाचे कुलगुरू डॉ. विलास खर्चे यांनी ‘शासनाने संशोधनासाठी सातत्यपूर्ण आणि भरीव आर्थिक मदत दिली पाहिजे. सर्व संलग्न विभागांनी एकत्र येऊन ‘खेत बचाओ अभियान’ जोरकसपणे राबवावे,’ अशी सूचना केली.
या कार्यक्रमास विविध कृषी विद्यापीठांचे संशोधन संचालक अनुक्रमे डॉ. लोढे (पुणे), डॉ. प्रशांत बोडके (राहुरी), डॉ. माने (अकोला), डॉ. आसेवार (परभणी) आणि डॉ. प्रशांत शहारे (दापोली) उपस्थित होते. डॉ. मकरंद करमरकर यांनी सूत्रसंचालन केले, तर संशोधन संचालक डॉ. प्रशांत शहारे यांनी आभार मानले.
---
ध्येयपूर्तीवर भर द्या
‘टीकेकडे दुर्लक्ष करून आपण ध्येयपूर्तीवर भर दिला पाहिजे. शेतीमध्ये पशुपालनाचा समावेश असेपर्यंत परिसंस्था संतुलित राहते. विद्यापीठाच्या शिफारशींचा वापर करणाऱ्या शेतकऱ्यांना अडचणी येत नाहीत,’ असे दापोली विद्यापीठाचे कुलगुरू डॉ. संजय भावे यांनी सांगितले.

ॲग्रोवन वृत्तसेवा
अहिल्यानगर : महात्मा फुले कृषी विद्यापीठाच्या अखिल भारतीय समन्वित कोरडवाहू फळपिके संशोधन प्रकल्पाच्या शास्त्रज्ञांसह पदव्युत्तर विद्यार्थ्याने उत्कृष्ट संशोधनपर सादरीकरण केले. पुणे येथे झालेल्या आंतरराष्ट्रीय डाळिंब परिषदेत वनस्पती रोगशास्त्रज्ञ डॉ. प्रकाश मोरे, उद्यानविद्यावेत्ता डॉ. एस. पी. गायकवाड आणि कीटकशास्त्र विषयातील पीएचडीचे विद्यार्थी दुर्गेश नरवाडे यांच्या सादरीकरणाचा विशेष पुरस्काराने गौरव करण्यात आला.

आंतरराष्ट्रीय परिषद डाळिंब संशोधनाच्या प्रगतीसाठी कार्यरत संस्था, सोलापूर आणि भारतीय कृषि अनुसंधान परिषद-राष्ट्रीय डाळिंब संशोधन केंद्र, सोलापूर यांच्या संयुक्त विद्यमाने तसेच महात्मा फुले कृषि विद्यापीठ, राहुरी यांच्या सहकार्याने पुणे येथे ६ ते ८ सप्टेंबर अशी तीन दिवस आंतरराष्ट्रीय डाळिंब परिषद झाली.

या परिषदेत महात्मा फुले कृषि विद्यापीठाचे वनस्पती रोगशास्त्रज्ञ डॉ. प्रकाश मोरे यांनी ‘हवामानावर आधारित डाळिंबातील अँथ्रॅक्नोज रोगाचा शास्त्रीय अभ्यास व पूर्वानुमानाद्वारे हवामान-सक्षम डाळिंब उत्पादन’ या विषयावर मौखिक सादरीकरण केले. हवामानातील विविध घटकांचा डाळिंबातील अँथ्रॅक्नोज रोगाच्या प्रादुर्भावाशी असलेला संबंध आणि रोगाच्या पूर्वानुमानाच्या दृष्टीने या संशोधनाला विशेष महत्त्व आहे.

उद्यानविद्यावेत्ता डॉ. एस. पी. गायकवाड यांनी ‘अर्धशुष्क परिसंस्थेत अधिक उत्पादनक्षमता व उत्कृष्ट फळगुणवत्तेसाठी गोड डाळिंबाच्या वाणांचे कार्यक्षमता मूल्यमापन’ या विषयावर पोस्टर सादरीकरण केले. अर्धशुष्क हवामानामध्ये योग्य गोड डाळिंब वाणांची निवड, उत्पादनक्षमता आणि फळांची गुणवत्ता या दृष्टीने हे संशोधन महत्त्वपूर्ण आहे.

कीटकशास्त्र विषयातील पीएचडीचे विद्यार्थी दुर्गेश नरवाडे यांनी ‘तापासून फळापर्यंत : डाळिंबातील कीटकनाशक अवशेषांचे एकात्मिक मूल्यांकन’ या विषयावर पोस्टर सादरीकरण केले. डाळिंबातील कीटकनाशक अवशेषांचे मूल्यांकन आणि सुरक्षित डाळिंब उत्पादनाच्या दृष्टीने त्यांच्या संशोधनाला विशेष महत्त्व आहे.

या तिन्ही संशोधकांचे संशोधन डाळिंब उत्पादनातील रोग व्यवस्थापन, वाण निवड, उत्पादन व फळगुणवत्ता तसेच सुरक्षित अन्न उत्पादन या विविध महत्त्वपूर्ण बाबींशी संबंधित आहे. त्यामुळे एकाच आंतरराष्ट्रीय परिषदेत तीन वेगवेगळ्या विषयांवर उत्कृष्ट सादरीकरण पुरस्काराने त्यांचा सन्मान झाला. त्याबद्दल महात्मा फुले कृषि विद्यापीठाचे कुलगुरू डॉ. विलास खर्चे, संशोधन संचालक डॉ. प्रशांत बोडके, विस्तार शिक्षण संचालक डॉ. गोरक्ष ससाणे व अधिष्ठाता डॉ. साताप्पा खरबडे यांनी अभिनंदन केले आहे.

सत्यजित तांबे यांची मागणी

अॅग्रोवन वृत्तसेवा

अहिल्यानगर : सध्या गणेशोत्सवाचे वातावरण असून, राज्यासह देशात श्री गणेशाचे स्वागत भक्तिमय व आनंदमय वातावरणात होत आहे. संगमनेर शहरातही गणेशोत्सव मोठ्या आनंदात साजरा होत असून, गणेशमूर्तींच्या विधिवत विसर्जनासाठी प्रवरा नदीपात्रात आवश्यक पाण्याचे आवर्तन तातडीने सोडावे, अशी मागणी आमदार सत्यजित तांबे यांनी जिल्हाधिकारी डॉ. पंकज आशिया यांच्याकडे केली आहे.
आमदार सत्यजित तांबे यांनी दिलेल्या निवेदनात म्हटले आहे की, संगमनेर शहर व तालुक्यात गणेशोत्सव मोठ्या उत्साहात साजरा होतो. गणेशमूर्तींचे विधिवत विसर्जन करण्यासाठी प्रवरा नदीपात्रात पुरेसे पाणी उपलब्ध असणे आवश्यक आहे. अन्यथा गणेशमूर्तींची हेळसांड होते. गणेशोत्सव हा नागरिकांच्या धार्मिक व भावनिक श्रद्धेशी जोडलेला मोठा उत्सव असून, गणेशमूर्तींचे विधिवत विसर्जन हा या उत्सवातील अत्यंत महत्त्वाचा भाग आहे. त्यामुळे गणेशमूर्तींचे विसर्जन करताना नदीपात्रात पुरेसे पाणी असणे आवश्यक आहे.
यापूर्वी प्रवरा नदीपात्रात पाणी उपलब्ध नसल्याने संगमनेर शहरातील गणेशमूर्तींचे विसर्जन लांबणीवर पडल्याच्या घटना घडलेल्या आहेत. सन २०१२ मध्ये तर पाणी नसल्यामुळे गणेश विसर्जन तब्बल १५ दिवस पुढे ढकलण्यात आले होते. यावर्षीही अशी परिस्थिती पुन्हा निर्माण होऊ नये आणि गणेश विसर्जनाच्या दिवशीच संगमनेर शहर व तालुक्यातील गणेशमूर्तींचे विधिवत विसर्जन करता यावे, यासाठी प्रवरा नदीपात्रात पाणी असणे गरजेचे आहे.

शेत-पाणंद रस्त्यांची माहिती संकलित केली जाणार

अॅग्रोवन वृत्तसेवा
अहिल्यानगर ः शेतकऱ्यांच्या शेतापर्यंत बारमाही आणि हक्काचा रस्ता उपलब्ध करून देण्याच्या उद्देशाने मुख्यमंत्री बळीराजा शेत-पाणंद रस्ते योजनेअंतर्गत राज्यात एक सप्टेंबर ते दोन ऑक्टोबरदरम्यान विशेष अभियान राबविण्यात येत आहे. या अभियानाच्या माध्यमातून गावागावांतील शेत-पाणंद रस्त्यांची माहिती संकलित केली जाणार आहे. शेतकऱ्यांनी आपल्या शेतापर्यंत जाणाऱ्या रस्त्यांची माहिती संबंधित तलाठी अथवा ग्रामसेवकांकडे नोंदवावी, असे आवाहन करण्यात आले आहे.
ग्रामीण भागात शेत-पाणंद रस्त्याचा प्रश्न कायम सतावत असतो. अनेक कारणाने शेतकऱ्यांना रस्ताचा प्रश्न भेडसावतो. रस्त्याच्या कारणावरून वाद, व सातत्याने संघर्षही केला जात असल्याचे पहायला मिळत आहे. शेतकऱ्यांना रस्ते उपलब्ध व्हावेत आणि एकमेकांतील रस्त्यावरून होणारा संघर्षही टाळता यावा यासाठी शासनाने मुख्यमंत्री बळीराजा शेत-पाणंद रस्ते योजनेअंतर्गत विशेष अभियान आयोजित केले आहे.
या अभियानात गावाच्या नकाशावर अस्तित्वात असलेले तसेच नकाशावर नोंद नसलेले, मात्र प्रत्यक्ष वापरात असलेले डी/ई प्रकारातील शेत-पाणंद रस्ते यांची माहिती संकलित केली जाणार आहे. त्यानंतर आवश्यक ती प्रशासकीय कार्यवाही करण्याचे नियोजन आहे. त्यामुळे अनेक वर्षांपासून दुर्लक्षित राहिलेल्या किंवा नोंदीअभावी विकासापासून वंचित असलेल्या शेतरस्त्यांना प्रशासकीय प्रक्रियेत आणण्याची संधी उपलब्ध झाली आहे. अभियानाला राज्यात सुरवात झाली आहे.

-------------
श्री बालगणेशोत्‍सव मंडळ
गडकर आळी गावठाण, सातारा
...............

..........
स्‍थापना : १९२३
अध्‍यक्ष : अतिश कदम
उपाध्‍यक्ष : सचिन शेडगे
.............
शहर परिसरात असणाऱ्या मूळ गावठाणांमध्‍ये गडकर आळीचा देखील समावेश आहे. गावपण जपत होणाऱ्या बदलांना सामोरे जात गडकर आळीने स्‍वत:चे वेगळेपण यात्रा, जत्रा, सण, समारंभ, उत्‍सवांच्‍या माध्‍यमातून जपले आहे. यापैकी एक महत्त्‍वाचा असणारा गणेशोत्‍सव श्री. बालगणेशोत्‍सव मंडळ १९२३ पासून वेगळेपणाने साजरा करत आहे.
गणेशोत्‍सवापुरते एकत्र येण्‍यापेक्षा कायमस्वरूपी एकत्र राहात समाजोपयोगी उपक्रम राबवण्‍यावर या मंडळांच्‍या पदाधिकारी, कार्यकर्त्यांचा भर असतो. ग्रामदैवत पेढ्याचा भैरोबा आणि महालक्ष्‍मी गडकर आळीची मुख्‍य ओळख आहे. यात्रेसाठी एकवटणाऱ्या तरुणाईकडे गणेशोत्‍सव मंडळाची धुरा सोपवत ज्‍येष्‍ठांनी त्‍यांना मार्गदर्शन सुरू केले. गणेशोत्‍सवासह यात्रा कालावधीत रक्‍तदान शिबिर, अन्नदान, वार्षिक भंडारा, परिसर स्‍वच्‍छता, सुरक्षितता यावर येथील तरुणाईचा भर असतो. भव्‍य मूर्ती आणि आकर्षक सजावटीच्‍या माध्‍यमातून गणेशोत्‍सव साजरा करत विविध समाजोपयोगी उपक्रमांवर मंडळाकडून जास्‍तीचा भर देण्‍यात येतो. मंडळ, युवक, तसेच ग्रामस्‍थांनी श्रमदानातून डोंगरावरील पेढ्याचा भैरोबा मंदिराकडे जाणाऱ्या पायरी मार्गाचे काम केले आहे. याच परिसरात झाडे लावणे, त्‍यांचे संवर्धन करणे, पुरातन तळ्याची डागडुजी, सफाई, लावलेल्‍या झाडांच्‍या देखभालीसाठी स्‍वतंत्र पाणी व्‍यवस्‍था उभारली आहे. मंदिर परिसराचे पावित्र्य राखण्‍यासह येथे विविध उपाययोजना देखील युवक, ग्रामस्‍थांकडून राबवल्‍या जातात. युवक, ग्रामस्‍थांनी केलेल्‍या ठोस आणि विकासात्‍मक कामांमुळे गडकर आळीसह परिसराचा कायापालट होण्‍यास मदतच झाली आहे. विविध समाजोपयोगी, धार्मिक कार्यक्रमांच्‍या माध्‍यमातून गडकर आळीचा नावलौकिक अबाधित ठेवण्‍यासाठी युवकांसह ज्‍येष्‍ठ नागरिक अखंडपणे सक्रिय आहेत.
...........
५०११८ : गडकर आळी मंडळ फोटो

पार्किंग, कॅमेरे, वाहतूक कोंडीसाठी पुढाकार; नोंदणीस उत्स्फूर्त प्रतिसाद

मायणी, ता. १६ : येथील व्यापारी व व्यावसायिकांच्या समस्या सोडवण्यासाठी आयोजित बैठकीत विविध क्षेत्रातील सुमारे अडीचशे व्यापारी, व्यावसायिकांनी हजेरी लावली. यावेळी विविध विषयांवर चर्चाही झाली.
येथील श्री धनगर विठोबा मंगल कार्यालयात ही बैठक झाली. खटाव तालुक्यातील येथे बाजारपेठ असल्याने व्यापाऱ्यांना व व्यावसायिकांच्या समस्या दिवसेंदिवस वाढत आहेत. या प्रश्नांची सोडवणूक करण्यासाठी तरुण व्यापारी, लहान-मोठे व्यावसायिक, युवा उद्योजक, गलाई बांधव, कापड उद्योजक आदी व्यावसायिकांची बैठक झाली. त्यात गावातील मुख्य रस्त्यावरील होणारी वाहतूक कोंडी कमी करण्यासाठी सम-विषम पार्किंग नियोजन, परिवहन मंडळाची बस स्थानक येण्यासाठी प्रयत्न करण्यासाठी संबंधित विभागाला निवेदन देणे, ग्रामपंचायत व पोलिस विभागाशी चर्चा करून आठवडा बाजारादिवशी बसस्थानकातील वाहनांची कोंडी कमी करणे, गटारावरील झालेली अतिक्रमणे स्वत:हून काढून घेणे, चांदणी चौकातील व्यापाऱ्यांशी चर्चा करून वाहतूक सुरळीत करण्यासाठी प्रयत्न करणे.
वारंवार खंडित होत असलेल्या विजेमुळे व्यावसायिकांचे आर्थिक नुकसान होत असून, त्याबाबत वीज वितरण कंपनीला निवेदन देणे, गावातील एकमेव राष्ट्रीयीकृत असल्याने व्यवहार करताना व्यावसायिकांना अडचणी येत आहेत, त्यासाठी संबंधित अधिकाऱ्यांशी चर्चा करणे आदी विषयांवर चर्चा झाली. गावात होत असलेल्या चोरीबाबत सर्व व्यापाऱ्यांनी एकजुटीने सर्वासोबत राहण्याचा निर्णय यावेळी घेतला.
...........
कोट :
...........

दरम्यान बैठकीनंतर गावातून मायणी व्यापारी-व्यावसायिक संघटनेने सभासद नोंदणीस उत्स्फूर्त प्रतिसाद मिळत आहे. चांदणी चौकातील व गावातील मार्केटला पूर्व वैभव प्राप्त करून देण्यासाठी प्रयत्न होत आहेत.

B03439
मायणी : बैठकीसाठी जमलेले व्यावसायिक. (अंकुश चव्हाण : सकाळ छायाचित्रसेवा)
.............................................

ॲग्रोवन वृत्तसेवा
सांगली ः सांगली बाजार समिती त्रिभाजनाबाबत बाजार समिती प्रशासन, संचालकांचे अभिप्राय मागितल्यानंतर जिल्हा सहकार उपनिबंधक सुनील चव्हाण कोल्हापूर सर्कीट बॅंचकडे शुक्रवारी (ता. ११) आणखी एक आठवड्याची मुदत मागितली आहे. विभाजनाबाबत पुढील आठवड्यातच निर्णय अपेक्षित आहे.
सांगली बाजार समितीचे त्रिभाजन करावे, असा अहवाल पणन विभागाने जिल्हा उपनिबंधकांकडे दिला होता. त्यानंतर संचालक मंडळ व बाजार समिती प्रशासनाकडून पुन्हा अभिप्राय मागविण्यात आले. सर्व संचालक, बाजार समिती प्रशासनाने अभिप्राय जिल्हा उपनिबंधकांकडे सादर केले आहेत. अभिप्राय दाखल करण्याची अंतिम मुदत गुरुवारी (ता. १०) होती. जिल्हा सहकार उपनिबंधक चव्हाण यांच्या निर्णयाकडे लक्ष होते. मात्र त्यांनी मुदतवाढ मागितली आहे.
राज्य सरकारने सांगली बाजार समितीचे त्रिभाजन करून जत व कवठेमहांकाळ येथे स्वतंत्र बाजार समित्या स्थापन करण्याचा निर्णय घेतला होता. या निर्णयाला संचालकांनी उच्च न्यायालयात आव्हान दिले. न्यायालयाच्या आदेशानंतर भागधारक व मतदारांचे म्हणणे जाणून घेण्यात आहे. त्यानंतर झालेल्या वार्षिक सभेत त्रिभाजन करू नये, असा ठराव करण्यात आला. हा ठराव जिल्हा उपनिबंधकांकडे पाठविण्यात आला होता.

खल्वायन सभा
आज रत्नागिरीत
रत्नागिरी ः खल्वायन, रत्नागिरी या संस्थेची ३२९वी मासिक संगीत सभा शनिवारी (ता. १२) सायंकाळी ६ ते ८ या वेळात नेहमीप्रमाणेच सौ. गोदूताई जांभेकर विद्यालय, बसस्थानकासमोर होणार आहे. कै. अन्नपूर्णा उर्फ गोदुताई अनंत जोगळेकर स्मृती संगीत मैफल म्हणून साजरी होणार आहे. यासाठी जोगळेकर, केळकर, करंदीकर या कुटुंबीयांनी पुढाकार घेतला आहे. या मैफलीत चिपळूण येथील प्रसिद्ध युवा गायक विशारद गुरव यांच्या शास्त्रीय, उपशास्त्रीय व अभंग-नाट्यसंगीते सादर करणार आहेत. विशारद गुरव यांना वयाच्या चौथ्या वर्षापासून वडिलांचे मार्गदर्शन व गाण्यासाठी प्रोत्साहन मिळाले. त्यानंतर महेशकुमार देशपांडे यांच्याकडे विशारदपर्यंत शिक्षण त्यांनी घेतले. सध्या पं. प्रसाद गुळवणी यांच्याकडे त्यांचे जयपूर घराणे गायकीचे शिक्षण चालू आहे. या मैफलीला हेरंब जोगळेकर (तबला) व श्रीरंग जोगळेकर (संवादिनी), मंगेश चव्हाण (पखवाज), उदय गोखले (व्हायोलिन) हे साथ संगत करणार आहेत. या मैफलीचा आस्वाद सर्वानी घ्यावा, असे आवाहन खल्वायन संस्थाध्यक्ष मनोहर जोशी यांनी केले आहे.

---------

स्वयंशासन दिन
शिर्के प्रशालेत साजरा
रत्नागिरी ः रत्नागिरी एज्युकेशन सोसायटीच्या रा. भा. शिर्के प्रशालेत १० सप्टेंबर रोजी १०वीच्या विद्यार्थ्यांकडून ''स्वयंशासन दिन'' अतिशय उत्साहात आणि शिस्तबद्ध वातावरणात साजरा करण्यात आला. या कार्यक्रमाची सुरवात १०वीच्या छात्र शिक्षकांनी सादर केलेल्या परिपाठाने झाली. या कार्यक्रमाला उपस्थित भारतीय सैन्यात ''लेफ्टनंट'' पदावर रूजू झालेले अनिकेत वाडकर यांनी विद्यार्थ्यांना संरक्षणक्षेत्रात करिअर करण्याबाबत मार्गदर्शन केले. या प्रसंगी शिक्षक ए. पी. चव्हाण यांनी सागरमित्र उपक्रमांतर्गत प्लास्टिकच्या पुनर्वापराबाबत विद्यार्थ्यांना मोलाची माहिती दिली. परिपाठानंतर प्रत्यक्ष तासिकांना सुरवात झाली. नियोजनानुसार छात्र शिक्षकांनी विविध वर्गांवर जाऊन वेळेत तास घेतले. या सर्व तासिकांचे परीक्षण शाळा व्यवस्थापन व नियमित शिक्षकांनी केले. मुख्याध्यापक के. डी. कांबळे, उपमुख्याध्यापिका पवार, पर्यवेक्षिका कांबळे उपस्थित होते. सूत्रसंचालन श्रेया वाडकर हिने तर पार्थी मेहेंदळे हिने आभार मानले.

--------

नवनिर्माणमध्ये रंगला
मोदक मेनिया
रत्नागिरी ः येथील नवनिर्माण शिक्षणसंस्थेच्या एस. पी. हेगशेट्ये महाविद्यालयातील हॉटेल मॅनेजमेंट विभागाकडून आयोजित केलेल्या मोदक स्पर्धा आणि प्रदर्शनाला महाविद्यालयातून चांगला प्रतिसाद मिळाला. हॉटेल मॅनेजमेंट विभागतर्फे मोदक मेनियाचे आयोजन केले होते. या स्पर्धेत गणपती बाप्पांना आवडणारे विविध चवी, रंग आणि प्रकारच्या सजावटी असणारे मोदक बनवण्यात आले. विशेषकरून हेल्दी मिलेट मोदक, शुगर फ्री दुधी भोपळा मोदक, उकडीचे पान फ्लेवर मोदक, कोकणी स्पेशल मोदक, नाचणी ड्रायफ्रूट मोदक अशा विविध फ्लेवर्सचे मोदक विद्यार्थ्यांनी बनवले. या स्पर्धेमध्ये प्रथम क्रमांक साक्षी पाटील आणि संगीता नारकर यांना विभागून देण्यात आला. द्वितीय श्रावणी मयेकर आणि तृतीय सोहन घावळी यांनी प्राप्त केला. त्याचबरोबर सार्थक शिंदे आणि दिशी कदम यांनी उत्तेजनार्थ पारितोषिक पटकावले. स्पर्धेचे परीक्षण मुग्धा चव्हाण आणि संचालिका सीमा हेगशेट्ये यांनी केले.