Vegetable Oats Soup : दुपारच्या अन् रात्रीच्या जेवणासाठी सर्वोत्तम आहे व्हेजिटेबल ओट्स सूप, जाणून घ्या 'ही' सोपी रेसिपी

Vegetable Oats Soup : पावसाळ्यात आपल्याला काहीतरी चमचमीत आणि टेस्टी खाण्याची इच्छा होते. या दिवसांमध्ये बाहेरचे तळलेले पदार्थ खाल्ल्याने आरोग्याच्या समस्या निर्माण होण्याची शक्यता असते. त्यामुळे, या दिवसांमध्ये घरच्या घरी खाद्यपदार्थ बनवले तर ते कधीही उत्तम.

पावसाळ्यात अनेकांना सर्दी-खोकल्याचा संसर्ग आणि ताप येतो. अशा परिस्थितीमध्ये तोंडाला अजिबात चव नसते. त्यामुळे, तुम्ही विविध प्रकारचे सूप्स  नक्कीच बनवू शकता. हे सूप्स प्यायल्याने तोंडाला छान चव ही येते आणि सर्दी-खोकल्यासारख्या समस्यांपासून आराम मिळण्यास मदत होते.

आज आम्ही तुम्हाला अशाच एका हेल्दी सूपची रेसिपी सांगणार आहोत. या सूपचे नाव आहे व्हेजिटेबल ओट्स सूप. हे सूप बनवायला फार साहित्याची गरज पडत नाही. शिवाय, हे सूप बनवायला अतिशय सोपे आहे. चला तर मग जाणून घेऊयात या सूपची सोपी रेसिपी.

व्हेजिटेबल ओट्स सूप बनवण्यासाठी लागणारे साहित्य

• १ चमचा आलं-लसूणाची पेस्ट

• १ कांदा बारीक चिरलेला

• अर्धा कप ओट्स

• २ कप पाणी

• कोथिंबीर बारीक चिरलेली

• बारीक चिरलेले गाजर

• बारीक चिरलेली शिमला मिरची

• तुमच्या आवडीच्या भाज्या (बारीक चिरलेल्या)

• चवीनुसार मीठ

• काळीमिरी पावडर

• आवश्यकतेप्रमाणे तेल

व्हेजिटेबल ओट्स सूप बनवण्याची सोपी पद्धत :

• सर्वात आधी गॅसवर पॅन किंवा कढई गरम करायला ठेवा.

• पॅन किंवा कढई गरम झाल्यावर त्यात आवश्यकतेनुसार तेल घाला.

• तेल गरम झाल्यावर त्यात आलं-लसूणाची पेस्ट, बारीक चिरलेला कांदा आणि कोथिंबीर घालून चांगले परतून घ्या.

• हे मिश्रण सोनेरी होईपर्यंत चांगले शिजू द्या.

• आता यामध्ये ओट्स घालून चांगले शिजवून घ्या. आता यामध्ये पाणी मिसळा.

• आता या मिश्रणात बारीक चिरलेले गाजर, शिमला मिरची आणि तुमच्या आवडीच्या भाज्या मिसळा.

• त्यानंतर, यामध्ये चवीनुसार मीठ, काळीमिरी पावडर मिसळून हे मिश्रण १५-२० मिनिटांसाठी चांगले शिजू द्या.

• आता तुमचे गरमागरम व्हेजिटेबल ओट्स सूप पिण्यासाठी तयार आहे.