माझी रेसिपी : कुरडईची भाजी

साहित्य - ७ ते ८ कुरडया, १ मध्यम कांदा, तेल, चवीनुसार मीठ, तिखट, कोथिंबीर, ४ ते ५ कडीपत्त्याची पाने

कृती -

• सुरवातीला कांदा बारीक चिरून घ्यावा. 
• भाजी करायच्या वेळी कुरडया पाण्यात भिजत घालाव्यात. (कुरडया फार वेळ पाण्यात भिजवू नयेत)
• कढईत तेल घालून फोडणी तयार करावी. त्यात कांदा खरपूस परतून घ्यावा व तिखट घालावे.
• कुरडयांमधील पाणी काढून कुरडया कढईत घालाव्यात. 
• मीठ घालून चांगले परतावे. एक वाफ देऊन गॅस बंद करावा.