हेल्दी किचन : अंड्याचे सॅण्डविच

- नूपुर पाटील

मुलांच्या वाढीसाठी अंडी खूप महत्त्वाची असतात. आपण आज अंड्याच्या सॅण्डविचची रेसिपी पाहू.

साहित्य

संपूर्ण धान्याच्या (होल ग्रेन) ब्रेडच्या दोन स्लाइस, एक मोठे अंडे, एक लो-फॅट चेडर चीजची स्लाइस, अर्धे कापलेले ॲव्होकाडो, एक कापलेला छोटा टोमॅटो, चवीसाठी मीठ आणि मीरपूड

कृती

• ब्रेडच्या स्लाइस हलके तपकिरी होईपर्यंत टोस्ट करून घ्या.

• नॉनस्टिक तव्यावर, मध्यम आचेवर अंड्याचे ऑम्लेट करून त्यावर मीठ आणि मीरपूड घाला.

• अंडे पूर्ण शिजल्यावर त्यावर चेडर चीजची स्लाइस ठेवा आणि त्याला ३० सेकंदांसाठी वितळू द्या.

• टोस्ट केलेल्या ब्रेडवर अॅव्होकाडो व टोमॅटोच्या स्लाइसचे थर द्या.

• अंडे आणि चीज अॅव्होकाडो आणि टोमॅटोच्या थराच्या वर ठेवा.

• ब्रेडची दुसरी स्लाइस अंडे आणि चीजच्या थरावर ठेवा व तुमचे सॅण्डविच पूर्ण करा.

• ताबडतोब खायला द्या आणि सॅण्डविचचा आनंद घ्या.