साताऱ्यातील वाहतुकीत दोन दिवस बदल

Ganeshotsav 2021
Ganeshotsav 2021esakal

सातारा : गणेश विसर्जन मिरवणुकीच्या पार्श्‍वभूमीवर सातारा शहरातील वाहतुकीत बदल करण्‍यात आल्‍याची माहिती शहर वाहतूक शाखेचे सहायक निरीक्षक विठ्ठल शेलार यांनी पत्रकाद्वारे दिली आहे. गणेशोत्‍सवाची (Ganeshotsav 2021) सांगता परंपरेनुसार रविवारी होणार असली, तरी सातारा शहरातील बहुतांश मंडळे प्रथेप्रमाणे अनंत चतुर्दशीच्‍या (Anant Chaturdashi) आदल्‍या दिवशी सार्वजनिक मूर्तीचे विसर्जन करत असतात.

Summary

पोलिस प्रशासनाने मिरवणूक जाणाऱ्या मार्गावर आवश्‍‍यक त्‍या सोयीसुविधा उभारल्‍या आहेत.

विसर्जनासाठीची तयारी पालिका, तसेच पोलिस प्रशासनाने केली असून, मिरवणूक जाणाऱ्या मार्गावर आवश्‍‍यक त्‍या सोयीसुविधा उभारण्‍यात आल्‍या आहेत. शहरातील सार्वजनिक मंडळांची विसर्जन मिरवणूक पूर्वापार चालत आलेल्‍या मार्गाने होत असल्‍याने ता. १८ आणि ता. १९ रोजी शहरातील विसर्जन मार्गावरील वाहतूक बंद ठेवण्‍यात येणार असून, इतर भागातील वाहतूक पर्यायी मार्गाने वळविण्‍यात येणार आहे. मिरवणुकीदिवशी बोगदा ते शाहू चौक हा मार्ग अवजड वाहनांसाठी बंद राहणार असून, बोगदा तसेच परळी, कास भागाकडून येणारी वाहने दोन दिवस बोगदामार्गे शेंद्रे व तिथून साताऱ्याकडे येतील व परत जातील, असेही शेलार यांनी जाहीर केले आहे. नागरिकांच्या सोयीसाठी तालीम संघ, गांधी मैदान, कोटेश्‍‍वर मैदान येथे वाहनतळ सुरू करण्‍यात येणार असून, नागरिकांनी वाहतूक व्‍यवस्‍थेतील बदलाची नोंद घेत सहकार्य करण्‍याचे आवाहनही शेलार यांनी पत्रकाद्वारे केले आहे.

Ganeshotsav 2021
साताऱ्यातील पाच मानाच्या गणपतींचं महत्त्व आजही कायम!

बंदी असणारे मार्ग

कमानी हौद ते मोती चौक मार्ग

कमानी हौद ते शेटे चौक मार्ग

मोती चौक, ऐक्‍य कॉर्नर ते बुधवार नाका मार्ग

बुधवार नाका ते करंजे येथील आंदेकर चौक मार्ग

मोळाचा ओढा ते बुधवार नाका मार्ग

Ganeshotsav 2021
उदयनराजे आरोग्यमंत्र्यांना भेटताच, आयोगाची मान्यता

याठिकाणी वाहतुकीत बदल

बोगदा, समर्थ मंदिरमार्गे चांदणी चौकाकडे येणाऱ्या बस, तसेच इतर वाहने त्‍या मार्गाने न जाता समर्थ मंदिर चौकातून अदालतवाडामार्गे शाहू चौकाकडे मार्गस्‍थ होतील. मोळाचा ओढा येथून साताऱ्यात येणारी वाहने मोळाचा ओढा, महानुभाव मठ, करंजे, भूविकास बँक चौकामार्गे मार्गस्‍थ होतील. कोटेश्‍‍वर मंदिराकडून बस स्‍थानकाकडे जाणारी वाहने कोटेश्‍‍वर मंदिर चौकातून शाहूपुरी चौक, मोळाचा ओढामार्गे मार्गस्‍थ होतील. पोवई नाका येथून मोती चौकाकडे जाणारी वाहने अदालतवाडा रस्‍त्‍याने मार्गस्‍थ होतील. वाहतुकीत बदल करताना मिरवणूक मार्गावरील नागरिकांना त्‍यांची वाहने इतरत्र लावण्‍याचे आवाहनही वाहतूक शाखेने केले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com