- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नागपूर : अवघ्या महाराष्ट्राचे आराध्यदैवत असलेल्या गणेशाचा उत्सव काही दिवसांवर आहे. यंदा कोरोनामुळे गणेशोत्सव सामाजिक अंतर पाळत अगदी साध्या पध्दतीने साजरा होणार असला तरी भाविकांच्या भक्तीत कुठेही कमी पडणार नाही. किंबहुना कोरोनाला घेऊन जाण्यासाठी यंदा भक्त गणेशाची अधिक आळवणी करतील. धंतोली येथील अष्टविनायक बहुद्देशीय संस्था, मंडळही कोरोनाच्या पार्श्वभूमीवर अगदी साध्या पद्धतीने गणेशोत्सव साजरा करणार आहे. यंदा मंडळाचे ३१ वे वर्ष असून, लोकोपयोगी उपक्रम राबवून, सामाजिक बांधिलकी जपण्याचा संस्थेचा मानस आहे.
यंदा मंडळाचे ३१ वे वर्ष असून, गेल्या तीस वर्षात मंडळाने दरवर्षी वेगळेपण जपले आहे. अतिशय वर्दळीच्या ठिकाणी असलेल्या या गणेशाच्या दर्शनाला दहाही दिवस भाविकांची गर्दी असते. नवसाला पावणाऱ्या या गणेशाने अनेकांना प्रचिती दिल्याचे सांगितले जाते. दरवर्षी नित्यनेमाने गणेशाची आराधना करणाऱ्या एका दाम्पत्याचा अपंग मुलगा बाप्पाच्या दर्शनाला चक्‍क आठ फूट मंच चढून गेल्याचे प्रत्यक्षदर्शी सांगतात. तेव्हापासून त्याचे अपंगत्व दूर झाल्याचे मंडळाचे सदस्य नरेंद्र खवले यांनी सांगितले.
गणेश मंडपाच्या चहूबाजूंनी रहिवासी नागरिकांसोबतच दवाखान्यांचे जाळे पसरले आहे. तरीही दरवर्षी अतिशय अरुंद गल्लीत सुंदर देखावा साकारला जातो. त्यासाठी गुजरातहून खास कारागीर येतात. मंडळाच्या देखाव्यातून दरवर्षी काही ना काही सामाजिक संदेश दिला जातो. श्रींची मूर्ती नागपूरच्या चितारओळीतील खास कारागीराकडे तयार होते. यंदा त्याच ठिकाणी मूर्ती तयार होणार असली तरी तिची उंची चार फूट राहणार आहे. मंदिराचा सभामंडपही दरवर्षीपेक्षा छोटा राहणार आहे.
कोरोनाच्या पार्श्वभूमीवर यंदा लोकोपयोगी उपक्रम राबविण्यावर मंडळाचा भर राहणार आहे. रक्तदान शिबिरांसोबतच नागरिकांना मास्क व सॅनिटायझर वाटप करण्यात येईल. कोरोनामुळे अनेकांचा रोजगार गेला. हाताला काम नसल्याने कित्येक कुटुंबीयांची उपासमार होत आहे. गरजूंची नेमकी गरज लक्षात घेऊन त्यांना मदत करणार असल्याचे मंडळाचे अध्यक्ष मुन्ना जैस्वाल यांनी सांगितले.
मनपाच्या नियमांचे कटाक्षाने पालन
कोरोनाची मार सर्वांनाच बसली. दिवसेंदिवस धोका वाढत असल्याने गणेशोत्सव अगदी साध्या पद्धतीने साजरा करण्यात येईल. आगमनाला बॅंड राहणार नसून श्रींचे विसर्जनही घरच्या विहिरीत करण्यात येईल. सामाजिक अंतर ठेवूनच आरती आणि इतर विधी पार पडतील. मनपाच्या नियमांचे कटाक्षाने पालन करण्यावर मंडळाचा भर आहे.
- नरेंद्र खवले,
दस्य अष्टविनायक बहुद्देशीय संस्था, मंडळ, धंतोली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.