अकोला : झाडालाच बनविले गणपती (व्हिडिओ)

जयेश गावंडे
बुधवार, 4 सप्टेंबर 2019

पर्यावरणपूरक हा गणपती शाडू माती किंवा प्लास्टर ऑफ पॅरिसचा नसून, चक्क उभ्या झाडाचा आहे. ही संकल्पना सुचलीय अकोल्याच्या जठरपेठ भागातील रिंकू परदेशी यांना.

अकोला : सध्या राज्यभरात गणेश उत्सवाची धूम आहे. अनेक ठिकाणी विविध देखावे पाहायला मिळत आहेत. देखाव्यामध्ये विविध संदेशही पाहायला मिळतात. मात्र, अकोल्यात आगळावेगळा गणपती सध्या चर्चेचा विषय बनला आहे.

पर्यावरणपूरक हा गणपती शाडू माती किंवा प्लास्टर ऑफ पॅरिसचा नसून, चक्क उभ्या झाडाचा आहे. ही संकल्पना सुचलीय अकोल्याच्या जठरपेठ भागातील रिंकू परदेशी यांना.

सध्या विदर्भात आणि मराठवाड्यात दुष्काळी परिस्थिती आहे. अशातच गणेश मूर्तींचे विसर्जन पाणी दूषित करते. म्हणून गणेशमूर्ती पाण्यात विसर्जित न करता, वृक्ष संवर्धन करत. वृक्षालाच गणेश समजून पाणी घालावे म्हणजे खऱ्या अर्थाने गणेश पूजन होईल, असा संदेश परदेशी यांनी दिलाय.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Ganapati made to Tree in Akola