श्रीलंकेत मध्यरात्रीपासून पुन्हा आणीबाणी; गोटाबाया राजपक्षेंची घोषणा | Sakal
sakal

बोलून बातमी शोधा

Sri Lanka

श्रीलंकेत मध्यरात्रीपासून पुन्हा आणीबाणी; गोटाबाया राजपक्षेंची घोषणा

कोलंबो : आर्थिक संकटाचा सामना करणाऱ्या श्रीलंकेत आज मध्यरात्री 12 वाजल्यापासून पुन्हा एकदा आणीबाणी घोषित करण्यात आली आहे. राष्ट्रपती गोटाबाया राजपक्षे यांच्या मीडिया विभागाचा हवाला देत श्रीलंकन ​​माध्यमांनी ही माहिती दिली. विशेष म्हणजे श्रीलंकेतील परिस्थिती इतकी बिकट आहे की, लोकांना मूलभूत सुविधाही मिळत नाहीत, त्यामुळे निदर्शने सुरू आहेत. (Emergency Declared In Srilanka Agsin From Midnight)

श्रीलंकेतील प्रमुख विरोधी पक्षाने नुकताच सरकार आणि राष्ट्राध्यक्ष गोटाबाया राजपक्षे यांच्याविरोधात अविश्वास प्रस्ताव आणला होता. विरोधकांचा आरोप आहे की, जेव्हा देश सर्वात वाईट आर्थिक टप्प्यातून जात आहे, तेव्हा राजपक्षे यांनी त्यांच्या घटनात्मक दायित्वांचे पालन केले नाही. मुख्य विरोधी पक्ष, समगी जना बालवेगयाने (SJB) SLPP युती सरकारच्या विरोधात दोन अविश्वास प्रस्ताव संसदेचे अध्यक्ष महिंदा यापा अभयवर्धन यांच्याकडे सादर केले.

गोटाबाया राजपक्षे आणि त्यांच्या मंत्रिमंडळाला सत्तेवरून काढून टाकण्यासाठी 225 सदस्यीय संसदेत बहुमत आवश्यक आहे. युनायटेड पीपल्स फोर्सकडे 54 मते आहेत आणि त्यांना छोट्या पक्षांचा पाठिंबा मिळण्याची अपेक्षा आहे. सत्ताधारी पक्षाकडे सुमारे दीडशे मते आहेत, मात्र आर्थिक संकटाच्या काळात ही संख्या कमी झाल्याने काही नेते पक्षाच्या विरोधात जाण्याची भीती आहे.

हेही वाचा: दोनशे कोटींच्या व्हायरल पत्रावर कृष्णप्रकाश यांची प्रतिक्रिया; म्हणाले,...

आर्थिक संकटाचा सामना करण्यात अपयशी ठरलेल्या राष्ट्रपती गोटाबाया राजपक्षे आणि त्यांच्या सरकारच्या राजीनाम्याच्या मागणीसाठी कामगार संघटनांनी शुक्रवारी देशव्यापी संप केला. देशात सध्या सुरू असलेल्या भीषण आर्थिक संकटामुळे सरकारला विरोध होत असून त्यांच्या राजीनाम्याची मागणी जोर धरू लागली आहे.

Web Title: A State Of Emergency Will Be Declared By The President Of Sri Lanka From Today Midnight

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Sri Lanka
go to top