पाकिस्तानमध्ये आणखी एका हिंदू मुलीचे अपहरण

another hindu girl kidnapped in pakistan
another hindu girl kidnapped in pakistan

इस्लामाबाद: पाकिस्तानच्या सिंध प्रांतामध्ये दोन अल्पवयीन हिंदू मुलींचे अपहरण करुन जबरदस्तीने धर्म परिवर्तन करण्यासाठी दबाव टाकण्याची घटना ताजी असतानाच आणखी एका हिंदू मुलीचे अपहरण झाले आहे. या हिंदू मुलीचे अपहरण करुन धर्म परिवर्तन केल्याची माहिती समोर आली आहे. पाकिस्तानमधील ज्येष्ठ पत्रकार बिलाल फारुकी यांनी ट्विट करुन हे प्रकरण उघडकीस आणले आहे.

पत्रकार बिलाल फारुकी यांनी ट्विटमध्ये म्हटले आहे की, 'सोनिया भिल या हिंदू मुलीचे सिंध प्रांतातून अपहरण करण्यात आले आहे. ही घटना तेव्हा घडली आहे जेव्हा पाकिस्तानात दोन अल्पवयीन हिंदू मुलींचे अपहरण करण्याचा घटना सर्व माध्यमांमध्ये चर्चेत आहे. इम्रान खान सरकार अल्पसंख्यांकांना सुरक्षा देण्यास अपयशी ठरलेय का? असा प्रश्न बिलाल फारुकी यांनी विचारला आहे.'

पाकिस्तानातील सिंध प्रांतात दोन अल्पवयीन हिंदू मुलींना पळवून व त्यांचे धर्मांतर करून त्यांची बळजबरीने लग्ने केल्याप्रकरणी परराष्ट्रमंत्री सुषमा स्वराज यांनी पाकच्या भारतीय दूतावासाला चौकशी करून अहवाल देण्याचे निर्देश दिले. शिवाय, या मुलींना लवकरात लवकर सोडवून त्यांच्या कुटुंबाच्या स्वाधीन करा, अशी मागणी सुषमा स्वराज यांनी केली आहे. पाकिस्तानचे पंतप्रधान इम्रान खान यांनी या घटनेची गंभीर दखल घेऊन त्याबाबत तत्काळ चौकशीचे आदेश दिले आहेत. ज्या फवाद चौधरी नामक मंत्र्यांनी स्वराज यांचा प्रतिवाद केला होता त्यांनाच ही माहिती जाहीर करावी लागली. शिवाय, सात जणांना अटक करण्यात आली आहे.

दरम्यान, इस्लामाबाद उच्च न्यायालयानेही इम्रान सरकारला हिंदू मुलीच्या अपहरणावरुन फटकारले असून, या दोन मुलींना सुरक्षा देण्याचे दिले आहेत. या प्रकरणी 7 आरोपींना अटक केल्याची माहिती सरकारने न्यायालयात दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com