हाफिज सईदला लवरकच अटक

हाफिज सईदला लवरकच अटक

लाहोर : मुंबईवरील हल्ल्याचा सूत्रधार हाफिज सईद याच्यासह जमात उद दावा या दहशतवादी संघटनेच्या 13 जणांना लवकरच अटक करू, असे पाकिस्तानमधील पोलिसांनी आज सांगितले. या सर्वांविरोधात काल (ता. 3) गुन्हा नोंदविण्यात आला होता. 

पाकिस्तानच्या दहशतवादविरोधी विभागाने हाफिज सईदसह 13 जणांविरोधात 23 एफआयआरची नोंद केली आहे. या सर्वांवर दहशतवादाला आर्थिक पाठबळ पुरविल्याचा आरोप आहे. या 13 जणांविरोधात गुन्ह्यांची नोंद झाली असल्याने त्यांना लवकरच अटक करू, असे पंजाब प्रांताच्या पोलिसांनी सांगितले. सूत्रांनी दिलेल्या माहितीनुसार, पाकिस्तान सरकारने हिरवा कंदील दाखविल्याशिवाय हाफिजला अटक होणार नाही. मात्र, या आठवड्यात ही अटक होऊ शकते. हाफिज सईद सध्या लाहोरमधील त्याच्या निवासस्थानी आहे. 

पाकिस्तान सरकारवर आंतरराष्ट्रीय दबाव वाढत असल्यानेच दहशतवाद्यांविरोधात कारवाईला वेग आल्याचे मानले जाते. अमेरिका, फ्रान्स आणि ब्रिटन या देशांनी संयुक्त राष्ट्रांच्या सुरक्षा परिषदेत बोलताना पाकिस्तानमधील परिस्थितीबाबत चिंता व्यक्त केली होती. दहशतवाद्यांना होणाऱ्या आर्थिक पुरवठ्यावर करडी नजर ठेवणाऱ्या फायनान्शिअल ऍक्‍शन टास्क फोर्स (एफएटीएफ) या संस्थेने पाकिस्तानचे नाव त्यांच्या "ग्रे लिस्ट'मध्ये कायम ठेवले आहे.

दहशतवाद्यांना होणारा निधीपुरवठा रोखण्यात आणि त्यांच्यावर कारवाई करण्यात पाकिस्तानला अपयश आल्यानेच ग्रे लिस्टमध्ये त्यांचे नाव कायम राहिले. या यादीत नाव असल्याने पाकिस्तानला आर्थिक मदत मिळण्यात अडचणी येत आहेत. सप्टेंबरअखेरपर्यंत पाकिस्तान सरकारने दहशतवाद्यांवर ठोस आणि पुराव्यासह कारवाई न केल्यास काळ्या यादीत नाव टाकण्याचा इशारा "एफएटीएफ'ने दिला आहे. म्हणूनच, पाकिस्तानमधील इम्रान खान सरकार दहशतवाद्यांविरोधात कारवाई करीत असल्याचे तज्ज्ञांनी सांगितले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com