हनीमूनसाठी गेले अन् झालं काय...

वृत्तसंस्था
रविवार, 22 डिसेंबर 2019

व्हाइट आयलंडवर अचानक ज्वालामुखीमध्ये स्फोट झाला. यामध्ये 5 व्यक्तींचा मृत्यू झाला होता. तसेच 8 लोक बेपत्ता असल्याचे कळते आहे.

ऑकलँड : न्यूजीलंड हा एकदम छोटासा असणारा देश आहे. जगभरात खुश असणारा देश म्हणून न्यूजीलंडची ख्याती आहे. येथील सर्वच बीच पर्यटनासाठी खुप प्रसिद्ध आहेत. या बीचवर इतर देशातून देखील नागरिक पर्यटनासाठी येतात. नुकतेच एका बीचवर येथे एक दुर्घटना घडली. या घटनेची सोशल मिडीयावर जोरदार चर्चा आहे. 

दरम्यान, येथील व्हाइट आयलंडवर हनीमूनसाठी गेलेल्या अमेरिकेचे लॉरेन अरे (32) आणि मॅथ्यू उरे (36) ने सोमवारी व्हर्जिनिया, रिचमंड येथील घरी कुटुंबियांना फोन केला की, ते आयलंडवर आहेत, तेव्हा मॅथ्यू चेष्टेत म्हणाला, तो हे पाहून खुश आहे की, ज्वालामुखी सक्रिय नाही. त्यानंतर दुपारी ज्वालामुखीचा स्फोट झाला. त्यामध्ये या कपलला खूप भाजले. याची माहिती त्यांनी कुटुंबियांना रात्री एका व्हॉइस मेलने दिली. सोबतच जेवढे लवकर शक्य होईल तितक्या लवकर इतर माहिती देण्याचा प्रयत्न करू असे सांगितले. त्यानंतर कुटुंबाला कोणतीही सूचना मिळाली नाही.

ताज्या बातम्यांसाठी डाऊनलोड करा ई-सकाळचे ऍप

32 वर्षांच्या लॉरेन उरे याची आई बारबरा बरहमने द वॉशिंग्टन पोस्टला हे सांगितले. मुलांना ज्वालामुखीमध्ये अचानक स्फोट होईल अशी अपेक्षा नव्हती. त्यामुळे त्यांनी तिथे जाण्याची योजना बनवली. हे कपल रॉयल कॅरेबियन क्रूज शिपने न्यूझीलंडच्या टोरांटो डॉकयार्ड येथे पोहोचले होते.

दरम्य़ान, ज्वालामुखी स्फोट झाल्यानंतर न्यूझीलंड क्रूज असोसिएशनचे मुख्य कार्यकारी अधिकारी केविन ओ'सुलीवन यांनी प्रवासी आणि त्यांच्या कुटुंबियांविषयी चिंता व्यक्त केली. अमेरिकी कुटुंबाचे म्हणणे आहे की, सध्या त्यांच्याकडे कोणतीही सूचना नाहीये की, त्यांची मुले कोणत्या परिस्थितीत आहेत.

'बंटी और बबली 2'ची हिरॉईन आहे महाराष्ट्राच्या माजी मुख्यमंत्र्यांची नात

त्यांना सोमवारी रात्री रॉयल कॅरेबियन इन्वेस्टिगेशनमधून मुलगी लॉरेनबद्दल कॉल आला होता. ज्यामध्ये कपल आयलँडवरून शिपवर परतले नसल्याची माहिती दिली गेली होती. त्यानंतर लॉरेनची आई बारबरा यांना मैथ्यूच्या आईने फोनवर व्हॉइसमेल आल्याचे सांगितले.

'सेक्रेड गेम्स' नाही तर ही ठरली आहे भारतातील टॉप वेब सिरिज !

व्हाइट आयलंडवर सोमवारी दुपारी अचानक ज्वालामुखीमध्ये स्फोट झाला होता. यामध्ये 5 व्यक्तींचा मृत्यू झाला होता. मंगळवार दुपारपर्यंत 8 लोक बेपत्ता असल्याचे कळाले होते. मिळालेल्या माहितीनुसार, जेव्हा ज्वालामुखी फुटला, तेव्हा त्याच्या आसपास 100 पेक्षा जास्त लोक होते.

न्यूझीलंडच्या पंतप्रधान जेसिंडा आर्डर्नने सांगितले की, ''या घटनेत अनेक लोक जखमी झाल्याची माहिती मिळाली आहे. त्यांना लवकरात लवकर जवळच्या शहरात पोहोचवले जाईल. अपघातग्रस्तांमध्ये जास्त लोक पर्यटकच आहेत.''

ताज्या बातम्यांसाठी डाऊनलोड करा ई-सकाळचे ऍप

न्यूझीलंडची जिओसायन्स एजन्सी जीएनएसने सांगितले की, ज्वालामुखीचा स्फोट खूप कमी वेळेसाठी झाला होता. मात्र याचा धूर आणि राख आकाशात सुमारे 12 हजार फूट (3658 मीटर) उंच पोहोचली होती. मात्र आता हा ज्वालामुखी पुन्हा भडकण्याची शक्यता कमी आहे. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: The couple who went for the honeymoon sent a message to home were glad the volcano is not active then the explosion