गोव्यात क्रॉस तोडफोडीचे सत्र थांबेना; पोलिस हतबल

गोव्यात क्रॉस तोडफोडीचे सत्र थांबेना; पोलिस हतबल

पणजी : पोलिसांनी सर्व ताकद दक्षिण गोव्यात पणाला लावली असतानाच धार्मिक प्रतिकांची तोडफोड मात्र थांबलेली नाही. धार्मिक प्रतिकांच्या तोडफोडीची मालिका थांबवण्यात पोलिस यंत्रणा सपशेल अपयशी ठरली आहे. आजही मडगावलगत एका क्रॉसची तोडफोड करण्यात आली आहे.

दक्षिण गोव्यात गेले काही दिवस सुरू असलेल्या धार्मिक प्रतिकांच्या तोडफोडीच्या घटना रोखण्यात पोलिस यंत्रणेला अद्याप यश आलेले नाही. पोलिस संशयितांचा छडा लावू शकले नसल्याने नाराजी वाढली आहे. गुरुवारी रात्री कालकोंडा मडगाव येथील क्रॉसची तोडफोड करण्यात आली आहे.

पोलिसांच्या नाकावर टिच्चून रात्री कालकोंडा मडगाव येथील क्रॉसची मोडतोड़ करून पोलिसांना आव्हान दिले आहे. कालकोंडा येथील कृष्ण मंदिरासमोर काही दिवसांपूर्वी तोडफोड झालेल्या क्रॉसची समाजकंटकांनी पुन्हा तोडफोड केल्याने स्थानिक लोक पोलिसांच्या कार्यक्षमतेबद्दल प्रश्नचिन्ह उपस्थित करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com